Ndryshimet në taksa e tatime për 2022 - Business Magazine Albania

Ndryshimet në taksa e tatime për 2022

Ndryshimet në taksa

Ndryshimet kryesore fiskale këtë vit lidhen me të ardhurat mbi pagën dhe TVSH-në. Pjesën më të madhe të ndryshimeve do t’i hasim në gjysmën e dytë të vitit. Më poshtë gjeni ndryshimet kryesore që janë parashikuar në paketën fiskale të këtij viti.

TVSH në bujqësi

Hiqet përjashtimi nga TVSH-ja i inputeve bujqësore. Vendoset shkalla e reduktuar e TVSH-së prej 10%.

Hiqet TVSH e kreditueshme prej 6% për bujqësinë. Ministrja e Fiancave ka theksuar se, “Me skemën e TVSH-së  6% subvenciononim grumbulluesin, kurse tani do të subvencionohet direkt fermeri. Skema e subvencionimit do të bazohet te autofatura me TVSH zero për vlerën e mallit që do të lëshojnë fermerët.

Nxiten investimet në makineri. Përjashtohen nga TVSH makineritë e importit për investime deri në 500 milionë lekë nga 50 milionë lekë që ishte.

Projektligji për taksat kombëtare

Vendoset taksa kombëtare për qumështin pluhur (100 lekë/kg), për hirrë qumështi (150 lekë/litër), për pijet e homogjenizuara (16 lekë/litër), për krem qumështi (150 lekë/ liter)

Vendoset taksa 40 lekë/litër për lëndën djegëse të përdorur si karburant për mjetet lundruese për qëllime turistike dhe argëtimi.

Tatimi mbi pagat nga 1 Korriku

Nga 1 Korriku hyn në fuqi tabela e re për tatimin mbi të ardhurat personale nga punësimi. Paga dysheme e patatueshme rritet nga 30 000 lekë në muaj në 40 000 lekë.

Për pagat 40 mijë deri në 50 mijë lekë përgjysmohet tatimi për të ardhurat, nga 13% në 6.5%.

Taksimi prej 23% do të aplikohet për pagat mbi 200 mijë lekë, nga 150 000 që aplikohej.

Lexo: Gjibraltari nga parajsë fiskale, në qendër globale për kriptot. “Transformimi” që po vëzhgohet nga bota

Akciza

Afati përfundimtar i zbatimit të politikës së rimbursimit për industrinë prodhuese është 31 Dhjetori 2023.

Pavarësisht objektivave fillestarë, aplikimi i unifikimit të çmimit të gazit me 6 lekë/litër për të gjithë përdoruesit do të fillojë me 1 Korrik 2022.

Akciza e llogaritur do të indeksohet çdo dy vjet në masën e normës zyrtare të inflacionit për dy vitet paraardhëse shpallur nga INSTAT-i, me përjashtim të duhanit dhe nënprodukteve të tij.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0