“Ndani vizionin tuaj me punonjësit”, mesazhi i trajnimit për burime njërezore nga Dhoma Ekonomike e Gruas dhe AlbAcademy - Business Magazine Albania

“Ndani vizionin tuaj me punonjësit”, mesazhi i trajnimit për burime njërezore nga Dhoma Ekonomike e Gruas dhe AlbAcademy

A e dini sa duhet të jetë niveli i largimit të punonjësve në mënyrë që kompania juaj të mos jetë në rrezik?! A po përballeni së fundi me një sfidë të mbajtjes së punonjësve që keni dhe gjetjes së punonjësve të ardhshëm? Vështirë të thoni jo.

Kushtet e punës kanë ndryshuar për shkakt të pandemisë, ndërsa rrjedhja e vazhdueshme nga emigracioni ka sosur durimin dhe burimet e kompanive.

Dhoma Ekonomike e Gruas organizoi trajnimin për “Burimet Njerëzore dhe ndikimin e tyre në zhvillimin e sipërmarrjes” me mbështetjen e AlbAcademy me trajnues znj.Valbona Begolli dhe z. Klodian Shaqiri, me përvojë në manxhimin e burimeve njerëzore.

Lexo: A duhet t’ju besojmë shefave që thonë këto fjali?!

Tema e trajtuar në praninë e dhjetëra sipërmarrësve të fushave të ndryshme preku:

  • Menaxhimin e burimeve njerezore në vitin 2022 dhe evolucioni përgjate viteve,
  • Ndikimin në rritjen dhe performancën e kompanisë me menaxhim më të mirë të burimeve njerezore,
  • Njohja dhe elaborimi i konceptit “Normë e largimit të punonjësve” (turnover).
  • Këshilla praktike se si biznesi të ulë normën e largimit të punonjësve për të ruajtur stabilitetin e kompanisë.

Gjatë këtij trajnimi, shqetësimet kryesore të sipërmarrjeve lidhen me sfidat e mbajtjes së punonjësve të kualifikuar, procedurat e punësimit dhe ndërprerjes së marrëdhënies së punës. Znj. Begolli sugjeroi krijimin e një departamenti të burimeve njerëzore edhe në kompani të vogla, çka do të rrisë vëmendjen tek punonjësit. Trajnerët sollën përvoja konkrete të zhvillimeve të ndryshme lidhur me burimet njerëzore të kompanive dhe trendet ndërkombëtare.

Studimet tregojnë se norma e qarkullimit të punonjësve në një vit nuk duhet të jetë më shumë se 10% e totalit të punonjësve të kompanisë. Përgjegjësia për zhvillimin apo jo të burimeve njerëzore lidhet me sipërmarrësin dhe drejtuesit kryesor të kompanisë. Një formë e mirë që punonjësit t’ju ndjekin është qartësimi i vizionit tuaj dhe ndarja e tij me punonjësit. Sot punonjësit nuk kërkojnë vetëm para, por edhe perspektivë.

Ndaj, krahas procedurave të duhura dhe kushteve të mira të punës, një skuadër e motivuar është mëse e nevojshme. Por, si mund të arrihet kjo?! Trajnerët sugjeruan zgjidhje praktike që zbusin klimën e tensionuar të punës, si një mbledhje jashtë mjediseve të punës, dhurata në raste festash, shpërblime për arritjet dhe tejkalimet e objektivave, etj. Një element i rëndësishëm për stafin tuaj është gjithashtu edhe përcaktimi i përbashkët i vlerave të kompanisë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0