Shkrim nga Rémon van Riemsdijk
Të jesh i kualifikuar, sigurisht që është një gjë e mirë mos më keqkuptoni. Dhe zakonisht njerëzit e kualifikuar e bëjnë biznesin të ecë përpara. Nëse kompania po përdor X software, është e rëndësishme që ti të kesh eksperiencë për X software. Po çfarë të pret në të ardhmen? E kush mund ta dijë. Mund të jetë dhe një falimentim.
Njerëzit e çmendur gjithmonë vendosin qëllime të çmendura. Dhe ata i realizojnë ato nëse ju jepni hapësirë. Trefish shitje online? Pse jo? Dhe diçka, njerëzit e çmendur gjithmonë pyesin “pse”. Pse po e bëjmë këtë mbledhje? Pse nuk bëjmë më mirë këtë gjë?
Lexoni: Burnout, kujdes punonjësit
Dhe me të çmendur nuk e kam fjalën për njerëzit e egër dhe të çmendur si Steve Jobs. Njerëzit e çmendur janë të edukuar dhe profesionistë me aftësi.
Por ka diçka të paçmueshme që këta njerëz e zotërojnë: vizioni periskop: aftësia mendore për të parë çfarë mund të vijë. Që e dinë çfarë mund të bëjnë për të mos e lënë kompaninë të falimentojë. Që arrijnë të shohin çfarë fshihet në errësirë. Që arrijnë ta shohin atë përpara se ta shohin të tjerët. Dhe që veprojnë menjëherë ndaj saj.
Dhe për këtë arsye ata janë pak të çmendur. Sepse njerëzit normal janë shumë të zënë duke studjuar shitjet aktuale të produkteve të kompanisë. Duke ndjekur të njëjtin ritëm siç gjërat kanë qenë dhe do të jenë. Njerëzit e çmendur në një kompani hardware thonë: të heqim dorë nga hardware, lëvizim tek shërbimet. Dhe pas tre viteve të suksesshme në shërbime ata thonë: le të bëjmë prapë hardware, kur ndërkohë të gjithë janë futur në rrugën e shërbimeve. Ata e kthejnë një pistë akulli në një pishinë me ujë.
Le të shohim perspektivën e njerëzve të çmendur për një sekondë. Më e rëndësishmja: ata nuk e dinë që janë të çmendur. Ata adresojnë problemet. Ata e shohin një konkurrentë të vogël i cili po merr klientët me shërbime dhe produkte më të mira. Ata i shohin gjërat siç janë, jo si do t’i pëlqenin shefit të ishin. Dhe sigurisht njerëzit e çmendur nuk e preferojnë hierarkinë, në rastet kur ajo do të thotë ‘kjo gjë duhet bërë në këtë mënyrë sepse kështu duhet’.
Lexoni: 3 mënyra se si të veproni kur punonjësit tuaj janë të pakënaqur
Dhe ‘çmenduria’ nuk është një problem në sjellje apo mos të dish të sillesh, është thjesht të quash dënglat dëngla dhe një ide të keqe një ide të keqe.
Njerëzit e çmendur nuk kanë për qëllim të prishin gëzimin e entuziastëve kur nuk bashkohen me pjesën tjetër të firmës që mendon se gjërat do të bëhen vetë mirë, ata thjesht i quajnë dëngla. Dhe veprojnë vet duke rikrijuar shërbimet apo duke zbuluar diçka të re për tregun.
Në shumicën e kompanive CEO-t dhe menaxherët janë kampionët për statuskuonë, ndërsa njerëzit e çmendur janë pak në konflikt me këta drejtues. Dhe kjo nuk është një surprizë e madhe sepse le të kthehemi pak në procesin e punësimit: këta menaxherë janë njerëzit më të kualifikuar bazuar në statuskuon e kriteve për vendet e punës…
Ndaj unë do e them gjithmonë: punësoni më shumë njerëz të çmendur!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
