Përmes një reportazhi në terren, zyrtarë të ministrisë së Bujqësisë, ftojnë mediat e shqiptarët të jenë më patriotë ndaj bujqësisë. Çfarë do të thotë më saktë?! Patriotizmi në këtë rast nënkupton sipas ministrisë, “të mos jepen lajme false apo teprohet me lajmet për produktet bujqësore të pasigurta dhe jo cilësore”.
“Qamili është nga Kukësi. Emigroi në Greqi ku punoi në fermat e bostanëve, mësoi punën dhe tani ka ndërtuar fermën e tij në ShënVlash të Durresit, prej 15 ha tokë”.
Kjo është historia që vjen nga ministria e Bujqësisë, e cila me tone të buta, kundërshton se prodhohet në kushte të pasigurta, e për më tepër të rrezikshme. Vëshgimi i zyrtarëve të ministrisë, tregon se Qamili nuk kishte asnjë metër katror tokë, por kishte më shumë besim se shumë të tjerë që e patën lënë djerrë tokën. Së bashku me rreth 20 fermerë të tjerë, kanë ndërtuar një fermë ku secili punon në tokën e vet, por shesin së bashku tek Adriani.
Nuk e kanë problemin e shitjes së prodhimeve sepse punojnë mbi bazën e marrëveshjes paraprake me grumbulluesin, Adrianin. Nuk e vendosin vetë se çfarë do të mbjellin, por mbjellin atë që porosit grumbulluesi, pra atë që kërkon tregu.
Shalqinjtë e kësaj ferme eksportohen në Zvicër, Poloni, Estoni, Hungari, Çeki etj. Nuk kanë asnjë reklamim për cilësinë e prodhimit.
Sipas të dhënave të ministrisë, eksporti i produkteve shqiptare drejt tregjeve të vendeve të Bashkimit Europian ka pësuar një rritje prej 26% në 3-mujorin e parë të këtij viti.
Megjithë problemet e mungesën ende të zhvillimit të duhur, bujqësia vijon të sigurojë 20% të Prodhimit të Brendshëm Bruto në vit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
