Ministri Haxhinasto flet për heqjen e ekskluzivitetit dhe aeroportin e Kuksit - Business Magazine Albania

Ministri Haxhinasto flet për heqjen e ekskluzivitetit dhe aeroportin e Kuksit


Ministri i Transportit dhe Infrastrukturës Edmond Haxhinasto në një intervistё për Top Channel, flet për hapat që do të ndiqen pas firmosjes së marrëveshjes për heqjen e ekskuzivitetit të TIA. Ministri theksoi se aeroporti i Kuksit, mund të jetë operacional brenda këtij viti. Ndërkohë së shpejti do të publikohet edhe një studim fizibiliteti për aeroportet në Jug, ku do të ketë një vlerësim profesional se ku duhet ndërtuar. Në lidhje me aeroportin e Kuksit, Haxhinasto theksoi se ka interes nga disa kompani që ofrojnë udhëtime me çmime të lira (low cost).

Intervista e plotë.

Cilat do të jenë hapat do të hidhni pas nënshkrimit të marrëveshjes?

Së pari do të formalizojmë këtë marrëveshje dhe besoj se do të jetë një proçes i përshpejtuar miratimi si në Qeveri dhe në Parlament. Përsa i takon operimit të aeroportit të Kuksit, janë disa mundësi që janë duke u shqyrtuar, një mundësi është që të operohet nga një njësi e specializuar në varësi të Ministrisë së Transporteve. Një mundësi tjetër, është që t’i jepet me konçesion operatorëve, dhe kemi disa kërkesa prej tyre. Ne do të përzgjedhim mundësinë më të mirë, që do t’i shërbejë rritjes dhe futjes në një operim sa më optimal dhe sa më të shpejt të këtij aeroporti.

Po kompani ajrore konkrete kanë shprehur interes?

Deri më sot është shprehur interes nga operatorë aeroportesh, por edhe nga kompani ajrore, veçanërisht kompani “low cost”. 2 kompani kanë ardhur e kanë vizituar aeroportin, e kanë inspekuar, dhe kanë qenë në pritje të hapit që ne e ndërmorrën për heqjen e ekskluzivitetit. Për t’u pregatitur më pas në mënyrë më konkrete për përdorimin e këtij aeroporti, veçanërisht për kategorinë “low cost”.

Në lidhje me aeroportet e Jugut, çfarë po bëhet me këto projekte?

Ne jemi pёrgatitur edhe për këtë, ndërsa negociohej marrëveshja. Kjo ka ndodhur për aeroportin e Kuksit, kemi vlerësuar se çfarë ndërhyrjesh kërkohen për ta vënë në gjendje operimi. Për aeroportet e Jugut, ne kemi punuar, kemi mobilizuar një fond nga disa institucione të lidhura me aviacionin civil në Shqipëri. Besoj se së shpejti do të kemi një studim fizibiliteti, që do të japё një gjykim të pjekur dhe profesional, se cili duhet të jetë aeroporti i parë ku duhet investuar në Jug, do të jetë Vlora apo Saranda, apo ndonjë vend tjetër. Mbas këtij studimi do të jemi në gjëndje të orientojmë më mirë këto investime qofshin private, por pse jo edhe ndonjë mundësi tjetër me fonde shtetërore.

Aeroportit i Kuksit, sa kohë do të kërkojë të fillojë operimi?

Rreth një vit më parë ne kemi bërë një vlerësim për kostot që kërkohen për të vendosur aeroportin në gjendje operimi, dhe është konkluduar për një ndërhyrje prej rreth 3 milionё eurosh. Ka nevojë për një rishikim të kësaj situate, dhe pastaj do të vendosim për ndërhyrjen. Ose do të administrojmë gjithashtu kërkesat që kemi patur nga operatorë të ndryshëm, ose do të vazhdojmë me para publike. Besoj se në një ecuri normale, aeroporti i Kuksit, duhet të jetë operacional deri në fund të vitit.

/Business Magazine Albania

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0