Fleksibiliteti që karakterizon sipërmarrjen e saj, për t’iu përgjigjur tregut dhe marrëdhënia solide me klientët e huaj, i mundësoi Mimoza Vojkës, të realizojë kontrata të reja pune për kompaninë e saj dhe 7 kompani të tjera në prodhimin e tekstileve në kulmin e pandemisë.
Një ditë pasi u shpall pandemia dhe u vendos mbyllja e shumë aktiviteteve, sipërmarrja e veshjeve sportive SAM nisi të prodhojë maska për punonjësit e saj. Por, këto maska mund t’u vlenin edhe klientëve, ndaj znj.Vojka dërgoi modelet e para tek klientët.
“Klientët tanë janë në Francë, Hollandë, Belgjikë,Angli etj, dhe kërkesat filluan 30 minuta pasi u dërguam mostrat. Klienti i parë filloi me një porosi të ulët. Klienti që kemi në Francë priti të marrë certifikimin. 10 ditët e nevojshme për certifikimin na dhanë kohën për të prodhuar. Angazhimi ynë ishte për të prodhuar maska cilësore, por certifikimi do të hapte derën për të rritur kapacitetin. Në momentin që u mor certifikata nga qeveria franceze, kërkesa ishte shumë e lartë dhe kapaciteti i kompanisë nuk e përballonte kërkesën. Kështu që filluam edhe me bashkëpunëtorë në Tiranë dhe Durrës. Bashkëpunuam me 7 kompani të tjera për gati dy muaj dhe mendoj që vlera e faturuar me këtë lloj pune ishte e kënaqshme edhe për bashkëpunëtorët tanë, në mënyrë që, jo vetëm të mos ndihej kriza e mungesës së porosive, por edhe që kompania të merrte frymë në komoditet. Kompanitë panë mundësinë e rritjes vertikale, jo vetëm të të ardhurave, por edhe të rentabilitetit”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
