Nga Julian Hayes, autor
Një individ që di diçka për suksesin është investitori miliarder Ray Dalio. Kur diskuton për qëllimet dhe karrierën, Dalio përmend gabimin më të madh që bëjnë njerëzit: “nuk janë aq selektiv sa duhet”.
Ai më tej i shpjegoi këto fjalë duke thënë:
“Disa njerëz dështojnë deri në atë pikë edhe para se t’ia fillojnë. Kanë frikë të refuzojnë një alternativë të mirë për një më të mirë, ata përpiqen të ndjekin shumë qëllime përnjëherë, duke arritur pak ose asnjë prej tyre”.
Unë kam qenë fajtor që nuk kam jam treguar mjaft selektiv në karrierën time dhe një arsye e madhe është se nuk isha aq specifik me atë që doja dhe as me arsyetimin tim. Dhe siç pritej, në mes të projektit, filloi të grumbullohej pakënaqësia.
Një hap i parë i qartë është të kuptoni se çfarë dëshironi nga vetja dhe pse, por më pas, ekziston një pyetje tjetër e rëndësishme.
Çfarë jeni të gatshëm të hiqni dorë për ta marrë atë?
Dalio shpjegon në librin e tij Parimet: Jeta dhe Puna, që ju nuk mund të keni gjithçka që dëshironi. “Zgjedhja e një qëllimi shpesh nënkupton refuzimin e disa gjërave që dëshironi në mënyrë që të merrni gjëra të tjera, për të cilat keni nevojë më shumë”.
Që nga fëmijëria, thënia “asgjë nuk vjen falas në këtë botë” ka qenë gjithnjë e vërtetë edhe kur bëhet fjalë për marrjen e vendimeve.
Të bëhesh më selektiv kërkon që të jeni më të vetëdijshëm për zgjedhjet që bëni.
Në mënyrë të qartë, mendoni për pasojat e zgjedhjeve që i bëni tani dhe se si do të ndikojnë ato në të ardhmen tuaj.
Kur jam në palestër, ndjej shumë dhimbje dhe rraskapitje nga ushtrimet. Sidoqoftë, duke shkuar në palestër, unë përmirësoj shëndetin, energjinë dhe mirëqenien time në termin afatgjatë.
Edhe karriera funksionon në të njëjtën mënyrë. Mund të jetë jashtëzakonisht e dhimbshme, nervoze dhe e frikshme për të ndërtuar një biznes. Por, duke kaluar në këtë fazë të pakëndshme, ju mund të fitoni lirinë, lumturinë, fuqinë ose çfarëdo tjetër që po kërkoni.
Në fund të ditës, gjithçka varet nga sakrificat që bëni, pa marrë parasysh se si po veproni. Nëse nuk sakrifikoni dhe nuk bëheni jashtëzakonisht selektiv, atëherë përfundimisht do të sakrifikoni dëshirat tuaja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
