Microsoft deklaroi se grupi i hakerëve “Midnight Blizzard” i sponsorizuar nga shteti rus kishte arritur të hynte në një përqindje shumë të vogël të llogarive të emailit të punonjësve të Microsoft-it, ndër të cilët janë edhe anëtarë të ekipit ekzekutiv, punonjës të sektorit të sigurisë kibernetike, të drejtorisë ligjore dhe të tjera, njoftoi kompania.
Sipas njoftimit sulmi kishte filluar në nëntor të vitit të kaluar dhe u zbulua pak ditë më parë. Hakerët kanë arritur gjithashtu të shkarkojnë edhe disa dokumente nga të dërguara si bashkëngjitje me postë elektronike.
Sipas gjigantit amerikan të softuerëve, sulmi ka nisur në fund të nëntorit dhe është zbuluar më 12 janar, dhe pas tij, qëndron një grup i lidhur me inteligjencën ruse. Hakerat duket kanë arritur të shkarkojnë disa dokumente që kanë qenë nëpër e-maile.
Kompania nuk sqaroi se kush është prekur saktësisht nga sulmi kibernetik, por përmendi vetëm “një përqindje të vogël të punonjësve”. Deri më 30 qershor, Microsofti numëronte rreth 221.000 të punësuar. Në deklaratën e kompanisë sqarohet se ajo ka arritur ta identifikojë origjinën e kërcënimit si Midnight Blizzard, aktor i sponsoruar prej shtetit rus, i njohur ndryshe edhe si Nobelium”.
Sipas Microsoft-itsulmuesit kibernetikëkishin depërtuar në sistemin e postës elektronike pasi kishin arritur të zbulonin fjalëkalimin e një llogarie të brendshme testimi. Sipas kompanisë sulmi nuk ishte rezultat i dobësive në produktet ose shërbimet e Microsoft-it.
Hakerat kanë shënjestruar fillimisht informacionin që lidhej me një grup më të ngushtë drejtuesish, dhe më pas e kanë shtrirë operacionin e tyre. Kjo nuk hera e parë që hakerat rusë ia dalin të depërtojnë në sistemet e Microsoft. Sulmet e sponsorizuara nga shteti, të cilët mund të rezultojnë në cenimin e të ndjeshme, kthehen në një rrezik më të madh sidomos gjatë periudhave të një konflikti të armatosur.
Ndërkohë lufta e Rusisë kundër Ukrainës vazhdon prej pothuajse dy vjetësh tashmë. Qeveria e SHBA dhe Microsoft e konsiderojnë Nobelium si pjesë të shërbimit të inteligjencës së jashtme ruse SVR.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English