Rritja e pritshmërive, rritja e konkurrencës dhe ndryshimet e shpejta të teknologjisë, shkaktojnë trysni tek punonjësit për të punuar më shumë dhe më gjatë – ose të ndryshojnë totalisht rolin e tyre.
Ky lloj stresi mund të rezultojë me pasoja serioze për shëndetin dhe mirëqenien e punonjësve. ISO, Organizata Botërore e Standardizimit po punon për hartimin dhe publikimin e standardeve për menaxhimin e shëndetit dhe sigurisë në punë, të cilat do t’i ndihmojnë organizatat/kompanitë të përmirësojnë kushtet me ndikim në shëndetin dhe mirëqenien e punonjësve të tyre dhe të reduktojnë stresin e lidhur me punën, nëpërmjet zbatimit të sistemit të menaxhimit të sigurisë dhe shëndetit në ambientet e punës. Me krijimin e tij, ky standardizim do të mund të zbatohet edhe në Shqipëri.
Organizata bën të ditur se ai përfshin identifikimin dhe menaxhimin e sfidave dhe rreziqeve, duke zbatuar masa të cilat garantojnë që punonjësit nuk do të jenë subjekt i ngarkesave të tepërta të punës, ekzistencën e një mbikëqyrjeje të përshtatshme, si dhe krijimin e proceseve të qarta për komunikimin dhe konsultimin midis stafit dhe menaxherëve. Standardi që pritet të publikohet nga ISO gjithashtu do të ndihmojë kompanitë të marrin masat e duhura që do të çojnë në uljen e aksidenteve në punë dhe në krijimin e një kulture pozitive të shëndetit dhe sigurisë në punë.
Ndërsa Drejtoria e Përgjithshme e Standardizimit në Shqipëri bën të ditur se gjatë periudhës janar-mars 2016, ka publikuar 264 standarde, 30 amendamente dhe 31 dokumente standardizimi, nga tё cilat 200 europiane (CEN, CENELEC dhe ETSI) dhe 64 Ndёrkombetare (ISO dhe IEC).
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
