Mediterranean Investments vë në dukje mundësitë që të ofron Shqipëria - Business Magazine Albania

Mediterranean Investments vë në dukje mundësitë që të ofron Shqipëria


Komuniteti i Ndërmarrjeve të Vogla dhe të Mesme të rajonit të Mesdheut e shohin Shqipërinë si një vend që ofron mundësi për të investuar. I krijuar që në vitin 2008, në Romë, “Community of Mediterranean SMEs”, është në kërkim të mundësive që të ofron ky rajon për investime. Shqipëria është një ndër to.

Në analizën që bëjnë dhe ku argumentojnë se përse duhet të investohet në Shqipëri thuhet: “Shqipëria është një vend kandidat për anëtarësimin në Bashkimin Europian, por me gjithë progresin e bërë, rruga drejt reformave është ende e gjatë. Vendi nuk ka nevojë vetëm për modernizim, por për hapa konkretë për të luftuar korrupsionin (kamxhikun që ende rëndon këtë vend), ndërtimet e paligjshme, si dhe zbatimin e reformës territoriale.

Në raportin e fundit, Komisioni Europian ka analizuar në mënyrë të detajuar ekonominë shqiptare. Vlerësimi i përgjithshëm është pozitiv, edhe pse Komisioni ka sugjeruar disa rekomandime që do të duhet të zbatohen për të arritur standardet e kërkuara ekonomike.

Eurora parashikon një trend pozitiv rritjeje për ekonominë shqiptare në vitin 2017 dhe një rënie të papunësisë. Megjithatë, të dhënat e borxhit publik nuk janë pozitive: vlerat janë të larta. Analiza e Komisionit flet për përmirësim të klimës së besimit ekonomik dhe kushte më të mira të pagesës për biznesin, në sajë të vendimit të qeverisë për të spastruar detyrimet e prapambetura. Për sa u përket investimeve të huaja parashikohet rritje deri në vitin 2017, kryesisht në sektorin e energjisë”.

Në të janë marrë në analizë katër fusha që janë identifikuar si të mundshme për investime:

Energjia dhe gazi

Shqipëria mund të mburret për sa i përket potencialit të madh që ka në fushën hidroenergjetike, duke u pozicionuar vetëm pas Norvegjisë dhe Zvicrës. Vendi ofron mundësi për prodhimin e energjisë, pajisjeve elektrike dhe programeve për menaxhimin e instalimeve.

Tekstilet

Sektori i tekstileve dhe veshjeve është një më të suksesshmet në Shqipëri dhe burimi kryesor i prodhimit. Faktorët më të favorshëm janë afërsia me Italinë, Greqinë dhe vendet e Ballkanit, prania e një fuqie punëtore fleksibile dhe në gjendje për t’u përshtatur teknologjive dhe standardeve ndërkombëtare të cilësisë, ulja e shpenzimeve të transportit për shkak të pozicionit të saj të privilegjuar gjeografik.

Flukset turistike

Turizmi është një sektor i rëndësishëm për zhvillimin ekonomik të vendit. Shqipëria ka vende të mbrojtura dhe të rëndësishme, si Butrinti dhe Apolonia. Qyteti i Beratit dhe Gjirokastrës, njihen si trashëgimi botërore nga UNESCO. Edhe zona veriore ofron mundësi tërheqëse të rritjes për turizmin malor. Në këtë moment, zonat më të rëndësishme të zhvillimit turistik janë kryesisht ato rreth Durrësit, Vlorës dhe Sarandës.

Megjithatë ka disa çështje që vazhdojnë të pengojnë zhvillimin e industrisë dhe investimeve të huaja. Në mesin e problemeve me të cilat përballet industria përmenden ato që lidhen me sigurinë e titujve të pronësisë, mungesën e infrastrukturës, pamjaftueshmërinë e sistemeve të trajtimit dhe pastrimit të ujit me pasoja të rënda mjedisore, sidomos në bregdet, por edhe problemet e vazhdueshme në lidhje me furnizimin e energjisë elektrike.

Ndërtimi

Ky sektor është në vëmendje të veçantë nëpërmjet alokimit më të madh të fondeve ndërkombëtare dhe kombëtare për arritjen e objektivave të tilla si: krijimin e një infrastrukture të integruar rrugore kombëtare, rajonale dhe paneuropiane; përmirësimin e infrastrukturës hekurudhore dhe integrimin e saj në rrjetet rajonale dhe evropiane; përmirësimin e cilësisë së shërbimeve në portet detare duke rritur investimet në infrastrukturë.

Në periudhë afatmesme dhe afatgjatë, mund të ketë mundësi për investime, si në modernizimin e sistemit të ujërave të zeza dhe ujësjellësve, por edhe në planifikim.

 

burimi: Monitor

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0