Më shumë se 850 maturantë nga e gjithë Shqipëria janë regjistruar në konkurset që organizohen nga Kolegji Universitar "TBU" - Business Magazine Albania

Më shumë se 850 maturantë nga e gjithë Shqipëria janë regjistruar në konkurset që organizohen nga Kolegji Universitar “TBU”


Më shumë se 850 maturantë janë regjistruar në konkursin kombëtar Sipërmarrësit e së Nesërmes, Edicioni 8 dhe/ose Juristët e së Nesërmes, Edicioni 4 organizuar nga Tirana Business University College, duke e kthyer këtë aktivitet në eventin më të madh organizuar ndonjëherë në Shqipëri me pjesëmarrjen e gjimnazistëve.

Të dy konkurset janë mirëpritur nga maturantët, pasi konsiderohen një mundësi e mirë për të vlerësuar vetveten, për t’u aftësuar në situata reale të sipërmarrjes apo çështjeve juridike, apo për të përfituar ndihmën e nevojshme në realizimin e projekteve të tyre të biznesit nga TBU dhe/ose partnerët. Numri i lartë i të regjistruarëve i dedikohet angazhimit të vazhdueshëm të mësuesve, drejtuesve të gjimnazeve, përfaqësuesve të DAR/ZA-ve, partnerëve të biznesit, si dhe ekipit organizativ të mrekullueshëm të TBU.

Tek Sipërmarrësit e së Nesërmes ekipet ftohen të prezantojnë ide biznesi të hartuara në formën e planit të biznesit, ndërsa tek Juristët e së Nesërmes ekipet ftohen të trajtojnë një çështje ligjore në rolin e palës së paditur apo palës paditëse në formën e gjyqit imitues.

Faza tjetër, ajo e prezantimit përpara jurisë, për ekipet e regjistruara tek Sipërmarrësit e së Nesërmes ka nisur në datën 10 Prill dhe parashikohet të përfundojë me datë 23 Prill, ndërsa për ekipet e regjistruara tek Juristët e së Nesërmes është planifikuar të nisë me 24 Prill dhe të përfundojë me datë 28 Prill. Juria ndërtohet e kombinuar nga biznesmenë, menaxherë, pedagogë, profesionistë dhe/ose studentë sipërmarrës.

Konkurset mbështen nga partnerët kryesorë, Banka Credins, RTV Scan dhe Balfin Group, si dhe partnerë të tjerë si Local Web, Abkons, EHW, Çelësi Media Group, Agna Group, F&M Reklama, MAD Bazar, MoneySmart Albania, Business Magazine Albania, URBANUS Blog, Airis Solutions, La Perla, Neocharger, etj. të cilët kontribuojnë në formën e suportit financiar, teknik dhe/ose logjistik. TBU për individët dhe ekipet që do të spikasin do të ofrojë bursë studimi 100% deri në 3 vite, ndërsa partnerët janë ftuar të idejojnë çmime speciale.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Një lider i mirë merr më shumë faj dhe më pak lavdi.”
— Arnold H. Glasow
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0