Fundim Gjepali,  ndan pasionin për kuzhinën mes Tiranës dhe Romës 

Mastershef Fundim Gjepali,  ndan pasionin për kuzhinën mes Tiranës dhe Romës 

Mastershef Fundim Gjepali e ndan pasionin e tij për kuzhinën mes Shqipërisë dhe Italisë. Gjepali ka një eksperincë 20 vjeçare në këtë fushë. Ai punon prej 12 vitesh si shef kuzhine në një nga restorantet më të njohura në Romë, “Antico Arco” dhe tashmë është edhe pjesë e grupit drejtues të restorantit.

Prej 4 vitesh ka hapur restorantin “Padam” një nga më të mirët në Tiranë dhe vitin e kaluar themeloi në origjinën e tij, Shijak, “Agroturizëm Gjepali”, një fermë që siç thotë ai “e ka ndërtuar në mes të asgjësë”, por tani konsiderohet si një investim tërheqës për turistët vendas dhe të huaj duke ofruar ushqime tradicionale shqiptare.

Fundimi ka shpirt sipërmarrësi dhe pasioni për gjërat që bën e ka udhëhequr drejt suksesit. “Unë jam gjithmonë në kërkim të risive, realizoj gjëra, të cilat të tjerëve u duken të pamundura. Besimi tek gjerat që dua janë burimi im i energjisë”, thotë ai.

Mastershef Fundimi nuk është bërë rastësisht kuzhinier dhe më pas sipërmarrës. Ai na tregon për rrugëtimin e gjatë, që e bën të ndihet i realizuar. “Jam larguar nga Shqipëria që në moshën 14 vjeç, punoja si ndihmës-kuzhinier në Romë, për të ndihmuar familjen”. Me dëshirën për të mësuar dhe pasionin e madh arriti të bëhej shef kuzhine.

Fundim Gjepali

Gjepali ka marrë pjesë në shumë kurse dhe konferenca në Francë, Spanjë, Itali, ku ka mësuar më shumë për gatimin, jo ​​thjesht receta të reja, por për shkrirjen e mundshme të përbërësve, metodat dhe teknikat e ndërtimit të pjatave.

Në shumë konkurse ai është vlerësuar për aftësinë e tij në gatim.

Në vitin 2014 ai u nderua me çmimin e parë në “Gran Prix të International”.

Në tetor 2016 Gjepali fitoi konkursin “La Granda” për recetën më të mirë të mishit.

Më 28 dhjetor 2016 me Padam Boutique Hotel & Restaurant, ai fitoi çmimin “Bletë e Artë” për kategorinë restorant.

Fundim Gjepali ka qenë gjithashtu anëtar i juries së MaterChef Albania, duke promovuar gjeneratën e re në fushën e gatimit.

Teksa flet me shumë entuziazëm për punën dhe të ardhmen, shef Fundimi shpreh edhe dashurinë për vendin. “Themelimi i ‘Agroturizëm Gjepali’, miqve të mi iu duk absurde, pse duhet të investoja në Shqipëri, përderisa jetoj dhe punoj në Itali. Por unë e dua vendlindjen time, prandaj dëshiroj ta shikoj të lulëzojë dhe të jetë plot gjallëri”. Ai shprehet se i pëlqen të bëjë gjëra, që e identifikojnë, sidomos në gastronomi prandaj edhe u kushton rëndësi produkteve vendase. Ka qenë ndër të parët, që ka përdorur verërat shqiptare, përtej skepticizmit të njerëzve.

Agroturizem Gjepali

Fundimi thotë me krenari se një pjesë e stafit të tij përbëhet nga të rinj të motivuar dhe plot energji, të cilët ai i ndihmon të mësojnë dhe të investojnë tek vetja.

“Të rinjtë shqiptarë kanë shumë energji, janë puntorë dhe kam plotësisht besim, se nëse i mbështesim ata do të sjellin frymën e ndryshimit në vend”, thotë Fundimi.

Për të mësuar më shumë rreth eksperiencës së tij dhe për të sjellë një diskutim plot “shije”, Fundim Gjepali do të jetë me ne në BusinessMag, në episodin e rradhës të LiveMe.

Për të na ndjekur në këtë episod, mund të klikoni këtu.

Platforma jonë është për ËNDËRRIMTARËT. Ata janë personat që mendojnë ndryshe dhe janë në gjendje të ndryshojnë botën.

A je ti një prej tyre?

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0