Mashtruesit e TikTok fituan 500 mijë dollarë duke shitur aplikacione te të miturit

Një vajzë 12-vjeçare në Republikën Çeke raportoi në fillim, llogaritë shumë të ndjekura të TikTok që kanë shitur aplikacione për të dyja pajisjet Android dhe iOS. Aplikacionet e quajtura ‘Wallpaper’ apo ‘Shock Your Friends’ janë ndër shtatë aplikacionet në fjalë, të cilat kanë fituar rreth $500,000.

Nëpërmjet profileve të TikTok, me rreth 300.000 ndjekës, ata kanë shtyrë përdoruesit e rinj të marrin aplikacionet duke paguar $2 deri në $10. Pjesa më e madhe e aplikacioneve nuk bëjnë asgjë veçse shfaqin reklama të vazhdueshme. Aplikacioni ‘Shock Your Friends’, për shembull, thjesht lejon përdoruesit t’u dridhet telefoni kur shtypet një buton dhe ky është një funksionalitet thuajse i papërfillshëm për një aplikacion me pagesë.

LEXO: Pas Microsoft-it edhe Twitter synon të blejë aplikacionin Tik Tok

Studiuesit vlerësojnë se shtatë aplikacionet e përfshira në skemë janë shkarkuar gjithsej 2.4 milion herë nëpër Google Play Store dhe Apple’s App Store.Jakub Vavra, analist i kërcënimeve në Avast, tha: “Këto aplikacione që zbuluam janë mashtrime dhe shkelin politikat e aplikacioneve të Google dhe Apple duke bërë pretendime mashtruese rreth funksioneve të tyre, ose duke shërbyer reklama jashtë aplikacionit dhe duke fshehur ikonën origjinale të aplikacionit menjëherë pas instalimit të tij. Është veçanërisht shqetësuese që ato po promovohen në platformat e mediave sociale të popullarizuara në mesin e fëmijëve më të vegjël, të cilët mund të mos njohin disa prej “kurtheve” dhe të bien më lehtë pre e tyre.”

Së fundmi, prindërit këshillohen të flasin me fëmijët e tyre për sigurinë e shkarkimit të këtyre aplikacioneve dhe t’i mësojnë ata aftësitë themelore të shkrim-leximit dixhital për t’i ndihmuar t’i kuptojnë vetë këto gjëra.

UNILAD

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale