"Magjia", biznesi që ruan traditën dhe ndihmon në punësimin e femrave - Business Magazine Albania

“Magjia”, biznesi që ruan traditën dhe ndihmon në punësimin e femrave


Një shembull i veçantë në Llashticë të Gjilanit është biznesi familjar që ka investuar për prodhime ushqimore tradicionale, ku janë angazhuar gra në punë.

Që prej Janarit të këtij viti biznesi për ushqime tradicionale “Magjja” ka filluar me prodhimin dhe shitjen e të gjitha gatimeve tradicionale shqiptare, duke filluar prej produkteve si fli, pite, rrethatore, manti, samza, resenik, paqë, pogaqe, bukë, gatime po ashtu edhe nga misri, sikurse edhe disa produkte ëmbëlsira fshati siç janë, bakllava, tatli të buta dhe të forta etj. Gatime që prodhohen veç në furra druri janë me një cilësi të lartë pa aditiv dhe me prodhime vendase.

Anë pozitive e këtij biznesi është edhe për fermerët e këtij fshati dhe në rrethinë, ngaqë “Magjja” po u blen bulmetin për prodhimin e këtyre produkteve tradicionale në këtë punishte.

Konsiderohet se biznesi, i cili u krijua me një iniciativë të grave që është investuar në vlerë rreth 40 mijë euro me një kredi bankare për ushqime tradicionale e bën Kosovën atraktive, jo vetëm për konsumatorët, por edhe për turistët dhe mërgimtarët nga diaspora.

Menaxherja e prodhimit, Nebahate Haziri tregon se puna që ka filluar prej fillimit të këtij viti po iu shkon mirë, me shumë vullnet dhe janë të kënaqur me punën që e bëjnë.

“Jemi pesë anëtarë të familjes, që mbahemi me këtë punë. Jemi pesë punëtore të rregullta, mendojmë që ta rrisim edhe më tej numrin e punëtoreve dhe po ashtu edhe biznesin, besoj se po na shkon biznesi mirë. Është një biznes i ri, i cili ka filluar në janar të këtij viti por besojmë që t’i rrisim kapacitetet e biznesit”, theksoi Haziri.

Edhe Nysrete Berisha punonjëse në këtë punishte, e cila nuk përton të gatuajë me brumë, tregon se gatuan tetë lloje pite, ndër to edhe piten e ashtuquajtur me hundë, tradicionale e vjetër që nuk gatuhet aktualisht nëpër kuzhinat shqiptare.

Drejtues të këtij biznesi thonë se si çdo biznes tjetër kanë vështirësi për depërtimin në treg, mirëpo kërkojnë që përmes donacioneve dhe projekteve me donatorët të ndihmohet ky biznes për të ngritur kapacitetet e duhura.

Isuf Berisha zëvendësmenaxher i Arbresha Berishës në “Magjja”, thotë se hapja e këtij biznesi ka qenë iniciativë e grave, për grat e papunësuara, të cilat kanë përvojë për gatimet e shtëpisë.

E në komunën e Gjilanit, zyrtarë të saj po thonë se Drejtoria për Zhvillim Ekonomik në këto dy vjet e gjysmë ka bërë një punë jashtëzakonisht të madhe, duke i koordinuar punët me biznese dhe duke i evidentuar të gjitha ato mangësitë që i kanë prodhuesit.

Sipas drejtorit të Zhvillimit Ekonomik në këtë komunë, Agim Zuzaku, të gjithë këto mangësi kanë arritur që t’i hartojnë apo t’i shënojnë në një Strategji të zhvillimit ekonomik, Strategji për zhvillimin socio-ekonomik për vitin 2017-2021. Sipas tij, ky është një dokument i cili është aprovuar në fillim të këtij viti nga komuna dhe thotë se është një udhërrëfyes për orientimin e bizneseve dhe zhvillimin ekonomik për komunën e Gjilanit në këto pesë vjet.

Zuzaku shton se tani projekti i fundit është fuqizimi i grave në ekonomi, i cili ka dalë si rezultat apo si aktivitet i Strategjisë së Zhvillimit Socio-Ekonomik, që është financuar nga KE.

burimi: RTV 21

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0