Distria Krasniqi ka marrë medaljen e argjendtë në Lojërat Olimpike të Parisit, pasi është mundur në finale nga xhudistja nga Uzbekistani, Diyora Keldiyorova, e cila rrëmbeu medaljen e artë në kategorinë deri në 52 kilogramë.
Distria zhvilloi një garë të shkëlqyer deri në finale, ku kërkonte medaljen e artë, por gaboi duke u mundur me pikë 1-0 nga xhudistja nga Uzbekistani. Në gjysmëfinale, Krasniqi mposhti xhudisten nga Italia, Odette Giuffrida.
Kjo është medalja e parë për Kosovën në Lojërat Olimpike Paris 2024 dhe e katërta në total. Në Tokio, Kosova mori dy medalje të arta në xhudo me Distria Krasniqin dhe Nora Gjakovën, ndërsa në Rio 2016 ishte edhe medalja e parë për Majlinda Kelmendin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
