Në episodin e kësaj jave LiveMe Show and Podcast erdhi me një studio krejt të re ku takimet virtuale u kthyen në takime fizike. Ky është episodi i cili pasoi pas takimit të një vjetorit me të gjithë të ftuarit e një viti të tërë dhe i ftuari që hapi siparin e fillimit të vitit të dytë ishte Denis Zoi, CEO i kompanisë Techi dhe një sipërmarrës i arrirë dhe pse ende shumë i ri.
Lexo: Rikthehet “Think Big” nga Businessmag.al
Denisi na tregoi se si nga një punonjës i cili u frymëzua nga problemet që shihte në bizneset përreth tij, ai u kthye në një sipërmarrës për t’i bërë gjërat të funksionojnë më mirë. Ai na kaloi nëpër gjithë historinë e tij, që nga momenti kur arriti të dallonte një mundësi të mirë në treg e deri në këto momente të suksesit të tij. Në këtë episod do të zbuloni trukun sekret të Denisit për të krijuar klientë besnik, të cilin mund ta përdorni dhe ju.
Komunikimi me stafin, me klientët dhe sistemet për t’i shërbyer sa më mirë klientëve ishin vetëm disa nga pikat e forta dhe të domosdoshme që Denisi përmendi për sa i përket biznesit të tij. Në vazhdim i pyetur nga Kristi ai tregoi sa është zgjeruar Techi sot dhe sa të mëdha janë planet e të ardhmes për të. Denisi duket optimist por edhe shumë gjakftohtë në mendimet e tij, duke pasqyruar karakterin e sipërmarrësit brenda tij.
Lexo: A ka të ardhme për të rinjtë në Shqipëri?
Për të ndjekur episodin vizitoni kanalin e Business Magazine në Youtube si dhe të gjitha platformat tona sociale në mënyrë që të qëndroni të përditësuar për të gjithë episodet vijues.
https://www.youtube.com/watch?v=ZzhFo47MFa8
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
