Ledian Shera nuk njeh të ndalur me WeAreAlbania - Business Magazine Albania

Ledian Shera nuk njeh të ndalur me WeAreAlbania


Ledian Shera na tregon më shumë rreth planeve dhe projektit të tij WeAreAlbania, një iniciativë risi dhe një startup që ndihmon turistët të zbulojnë Shqipërinë, në një intervistë për BusinessMag. Ai për momentin sapo ka përfunduar konkurimin një garë ndërkombëtare startup-esh, në Silicon Valley, Amerikë.

Lediani ka krijuar një core-team këtu në Shqipëri me talente të rinj të apasionuar pas teknologjisë, programimit dhe biznesit. Në Shtator do të vijnë me lançimin e 3 startup-ve me të cilët kanë muaj që punojnë. 2 prej të cilëve do të lançohen në tregun shqiptar dhe tjetri në Itali. Projektet do të kenë drejtues të ndryshëm.

Lexoni: WeAreAlbania: Një startup që ndihmon turistët të zbulojnë Shqipërinë

Si kompani bazën do e kenë në Tiranë, por në planet e Ledianit është zgjerimi i startup-it edhe në Itali, aty ku ai do të ndjekë 3 vite studim.

Gjithashtu nga Shtatori do të rilançojnë portalin WeAreAlbania me dizajn dhe fokus të ndryshëm nga zanafilla e tij.

“Krahasuar me një vit më përpara startup-i është më i zhvilluar, por dhe ne si grup kemi fituar eksperiencë të vlefshme që të mos përsërisim gabimet e mëparshme,” shprehet Lediani.

Ndërsa BusinessMag pyet për realizimin e objektivave të vendosura në fillimet e tyre Ledian na thotë se shumë prej tyre janë realizuar tashmë, si për shembull, ndërtimi i startup-it nga ana teknike, krijimi i grupit dhe gjithashtu përfundimi i modelit të biznesit.

“Nga trajnimi që mora në Silicon Valley, aktualisht po ndryshoj disa nga pikat dhe mentalitetin se si punohet në një startup,” thotë ai.

Lexoni: Ledian Shera, i riu që po prek ëndrrën e Silicon Valley

Në lidhje me vështirësitë me të cilat është përballur në rrugëtimin e tij, Lediani na thotë se kanë qenë mosha shumë e re dhe eksperienca e pakët, pasi gjatë rrugës bëhen shumë gabime që mund të evitohen.

“Ekipi mbetet një ndër faktorët kryesorë të dështimit apo suksesit në një startup, pasi sa vjen dhe bëhet më e vështirë dhe sfiduese gjetja e personave të duhur.”

Gjithashtu një faktor tjetër është tregu i vogël dhe mundësitë e pakta financiare për t’u zgjeruar në tregje më të mëdha.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0