Lançohet edicioni i dytë i SEE Tech Tour 2019 » Business Magazine Albania – Media Dixhitale dedikuar Sipërmarrjes
Përditësuar së fundmi: 07/03/2019

Lançohet edicioni i dytë i SEE Tech Tour 2019

Share
nga Anerola Torollari
Mar 07, 2019
Studied at Faculty of Science, Content Editor Biznesi at Business Magazine
lexo me teper >

Lançohet edicioni i dytë i turneut South East Europe Tech Tour 2019 (Turi Teknologjik i Europës Juglindore 2019) që do të mbahet më 28-29 Maj në Bukuresht, Rumani dhe Sofje, Bullgari.

Objektivat e Tech Tour janë:

  • Të identifikoje valën e ardhshme të kompanive më të mira private nga vendet e Europës Juglindore.
  • Të promovojë investime dhe partneritete duke prezantuar një delegacion të investitorëve ndërkombëtarë dhe sipërmarrësve kryesorë europianë tek aktorët kryesorë në rajon.

Sektori dhe fushëveprimi i kompanive – 24 sipërmarrje që janë aktive në Deep tech, Mobility, Energy, Agri-tech, Blockchain, Fintech.

SEE Tech Tour 2019 promovon inovacionin dhe investimet në kompanitë më të mira të teknologjisë nga e gjithë Europa dhe është shansi juaj për t’u lidhur me VC-të, sipërmarrësit, ekspertët e industrisë për të nxitur lidhje të reja, biznese dhe investime.

SEE Tech Tour do të shfaqë një total prej 24 kompani, të cilat duken premtuese në lidhje me teknologjinë e lartë nga rajoni i Europës Juglindore:

  • 28 Maj, Bukuresht – 12 kompani nga Kroacia, Hungaria, Rumania, Moldavia, Sllovakia, Sllovenia dhe Ukraina;
  • 29 Maj, Sofje – 12 kompani nga Shqipëria, Bosnja dhe Hercegovina, Bullgaria, Greqia, Kosova, Maqedonia, Mali i Zi dhe Serbia.

Kompanitë sipërmarrëse do të paraqesin biznesin e tyre para një delegacioni të ftuar prej 30 investitorësh lokalë dhe 30 ndërkombëtarë, aktivë në rajon.

Një Komision Zgjedhës i dedikuar do të bashkojë investitorët kryesorë ndërkombëtarë, udhëheqësit e biznesit dhe përfaqësuesit e instituteve të zhvillimit për të identifikuar kompanitë që do të përzgjidhen, të cilat do të paraqesin bizneset e tyre në South East Europe Tech Tour. Mbi 150 kompani do të kalojnë në një proces rigoroz shqyrtimi dhe do të vlerësohen bazuar në veçantinë e teknologjisë së tyre, fuqinë e modelit të tyre të biznesit, vizionin, aftësinë për të ekzekutuar planin e biznesit, cilësinë dhe ecurinë e menaxhimit të tyre.

Për t’u regjistruar plotësoni formularin: SEE-Tech-Tour-2019

Për axhendën klikoni Këtu.

Për më shumë informacion klikoni Këtu.