Jay Clouse është themeluesi i Creator Science, një kompani mediatike që i ndihmon njerëzit të bëhen krijues profesionistë.
Me më shumë se 50,000 abonentë të buletinit, 2 milionë shkarkime podkastesh dhe një kanal në rritje në YouTube, Creator Science është zëri kryesor në ekonominë e krijuesve.
Jay përdori tre mjete që ndihmuan biznesin e tij të fitonte më shumë se 565,000 dollarë vitin e kaluar.
Tre mjetet e përdorura prej tij
1. Zgjidhni një fjalë, ose koncept që do të lidhet me të
Marka juaj si krijues tani ka më shumë rëndësi se kurrë. Kjo nuk nënkupton domosdoshmërisht emrin e kompanisë, megjithëse edhe kjo ndihmon, por për reputacionin tuaj dhe për atë që jeni i njohur. Duhet që puna juaj të lidhet me një ide specifike. Kur lidheni me një fjalë, frazë, ose ide specifike ajo lidhje përhapet. Kujtesa e sugjeruar fillon të bëjë gjënë e vet dhe kur të ngrihet kjo ide, po ashtu është edhe puna juaj. Ndërsa përhapet, bëhet më e fortë.
2. Publikimi çdo ditë
Publikimi i përmbajtjes që lidhet me atë fjalë, ose ide është puna e vërtetë e një krijuesi. Së pari, publikoni përmbajtje në mediat sociale që ofrojnë vlerë dhe lejojnë audiencë të re t’ju zbulojë. Ndryshe këto platforma quhen platforma zbulimi.
Duke u paraqitur atje çdo ditë, fitoni mundësinë për të ftuar njerëz në platformën tuaj të shpërndarjes, si: email, podcasting, SMS, ose ndryshe platforma marrëdhëniesh. Sa më shumë njerëz të tërhiqni në platformat tuaja të marrëdhënieve, aq më i madh bëhet sistemi i shpërndarjes në pronësi.
3. Ofroni një produkt të nënshkruar
Audienca që ndërtoni përmes publikimit krijon mundësinë për të ofruar një produkt, ose shërbim me pagesë. Shumica e krijuesve kanë nevojë vetëm për një ofertë fantastike, ose një produkt nënshkrimi. Ky produkt duhet të premtojë dhe të japë një rezultat specifik që anëtarët e audiencës duan të arrijnë. Ndërsa më shumë klientë arrijnë atë rezultat, ndani historitë e tyre në mënyrë që klientët e ardhshëm të kenë besimin se ju mund t’u jepni të njëjtin rezultat edhe atyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
