Më 30 maj u mbajt eventi i inagurimit të Partner Hotel Albania, ku pjesëmarrës ishin aktorët kryesorë të fushës së hoteleri turizmit, duke e parë Partner Hotel si indikatorin kryesor për standardizimin e mikëpritjes.
Turizmi është një pikë delikate, por edhe e bukur për t’u eksploruar dhe gjatë këtij eventi u prezantua eksplorimi në industrinë e hotelerisë dhe atë të shërbimeve. Për herë të parë në Shqipëri po vjen kompania lider në fushën e menaxhimit të mikpritjes në hoteleri. Të dedikuar dhe me vizion të qartë do sjellin për tregun shqiptar shërbime “outsourcing”, të cilat do të standardizojnë dhe strukturojnë atë çka hoteleria na ofron.
Hotelet mbështeten shumë në punën njerëzore dhe gjetja dhe mbajtja e punonjësve të kualifikuar është sfiduese, veçanërisht gjatë sezoneve dhe shumë prej jush mund ta vërtetojnë këtë gjë. Për më tepër, industria e mikëpritjes përballet me një normë të lartë qarkullimi që mund të shkojë deri në 80%, dhe kjo sigurisht nuk është një normë e mirë për asnjë hotel, apo strukturë akomoduese. Këto shërbime “outsourcing” do të ofrohen nga Partner Hotel, një kompani e suksesshme italiane, e cila operon tashmë në Greqi, Kroaci dhe e themeluar në Shqipëri me më shumë se 35 vjet përvojë dhe njohuri të kombinuara në fushën e mirëmbajtjes dhe menaxhimit të objekteve.
Shqipëria është një vend, i cili i përthith shpejt risitë, trendet e reja dhe inovacionin si dhe është gjithmonë e hapur drejt zhvillimeve të reja, prandaj kishte ardhur koha që në përmbajtje të Albgroup dhe INIZIATIVE VENETO GROUP të sillnim Partner Hotel në Shqipëri. Sigurisht që së bashku me IVEgroup do të sjellin në mënyrën më të mirë këto shërbime për të përmirësuar dhe lehtësuar hotelet në ofrimin e shërbimeve.
“Outsourcing” është praktika më e ndikuar për të gjitha subjektet hoteliere në mbarë botën, e cila shton profesionalizmin dhe efikasitetin në menaxhimin e hotelit dhe në të njëjtën kohë i ofron investitorëve dhe menaxherëve të hoteleve standardizim të shërbimeve. Ne bëjmë shërbimin, ju bëni menaxhimin!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
