Kredia për bizneset, bankat zhvendosen te hotelet dhe restorantet


Sipas sektorëve të ekonomisë, portofoli i kredisë për biznese u dominua në tremujorin e dytë nga kredia për sektorin e tregtisë, hoteleve dhe restoranteve.

Sipas analizës së Bankës së Shqipërisë për tendencat e kreditimit, pesha e kredisë së këtij sektori arriti në 38.1%, duke dhënë kontributin kryesor në zgjerimin e portofolit të kredisë për biznese në tremujorin e dytë. Ky portofol shënoi një rritje vjetore prej 2.9% në fund të muajit maj.

Kredia për sektorin e ndërtimit shfaqet gjithashtu e përmirësuar. Kredia për këtë sektor u rrit me 1.7% krahasuar me një vit më parë dhe pesha e tij mbeti në 12.8% të kredisë për biznese në fund të muajit maj. Ndërkohë, kredia për sektorin e industrisë shënoi tkurrje me rreth 2% vit mbi vit. Kjo ecuri duket të jetë ndikuar kryesisht nga reduktimi i kredisë për nënsektorin e prodhimit të energjisë dhe lëndëve të tjera djegëse.

Këto zhvillime sektoriale të financimit të bizneseve janë në linjë me ecurinë e aktivitetit ekonomik të secilit sektor në ekonomi. Analiza e rezultateve të vrojtimit të aktivitetit kreditues, tregon se bankat kanë shtrënguar kushtet e kreditimit për bizneset gjatë tremujorit të dytë të vitit 2016.

Si faktorë kryesorë që kanë ndikuar këtë ecuri, vlerësohet të jenë situata makroekonomike dhe rreziku i kredisë, sikurse vihet re nga ecuria e treguesit të kredive me probleme të bankave. Pavarësisht reduktimit të raportit të kredive me probleme, ai vijon të mbetet i lartë. Problemet strukturore në përmirësimin e ecurisë së kredisë për biznese e ka dhënë kreditimi në lekë. Zgjerimi vjetor i këtij portofoli shfaqet i përmirësuar në 4.2% për tremujorin e dytë.

Për tremujorin e tretë bankat presin të lehtësojnë kushtet e kreditimit vetëm për ndërmarrjet e vogla dhe të mesme, në linjë me politikat e tyre të kreditimit për të rritur portofolin në këtë segment. Ndërkohë, për biznesin e madh këto kushte priten të mbeten të shtrënguara. Në linjë me këto zhvillime, ato presin rritje të kërkesës për kredi nga bizneset në tremujorin e tretë të vitit, kërkesë e cila pritet të gjenerohet nga ndërmarrjet e vogla dhe të mesme.

Burimi: monitor.al

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale