Kongresmenia amerikane dhe Bill Gates bien dakord: Robotët janë ide shumë e mirë për aq kohë sa do të paguajnë taksa - Business Magazine Albania

Kongresmenia amerikane dhe Bill Gates bien dakord: Robotët janë ide shumë e mirë për aq kohë sa do të paguajnë taksa


Nuk duhet patur frikë nga robotët që vjedhin punët për aq kohë sa ju i taksoni ata. Miliarderi dhe kongresmenia social-demokrate bien dakord me këtë.

Duke gjykuar thjesht nga profilet e tyre publike, nuk do të mendonit se kongresmenia Alexandria Ocasio-Cortez dhe Bill Gates do të binin dakord për më shumë. Një social-demokratike, Ocasio-Cortez ka mbrojtur ligjin mbi taksimin e të ardhurave mbi 10 milionë dollarë në 70%. Gates është në mesin e amerikanëve që do të ndienin dhimbjen e këtij propozimi.

Lexoni: 10 zbulimet teknologjike të vitit 2019, sipas Bill Gates

Por, mesa duket kongresmenia dhe njeriu më i pasur në botë ndonjëherë bien dakord për tatimin mbi fitimin. Që të dy tani kanë dalë në favor të taksimit të robotëve që “vjedhin” punët e njerëzve.

Robotët po vijnë për punët tona? Mrekulli!

E pyetur nga një anëtar i publikut nëse ajo ishte e shqetësuar për faktin që Inteligjenca Artificiale do të zëvendësonte punonjësit (një raport i kohëve të fundit nga Oksford parashikoi se gjysma e punëve aktuale do të zëvendësohen brenda 25 viteve të ardhshme), Ocasio-Cortex u përgjigj: “Ne nuk duhet të ndihemi të përhumbur nga automatizimi i punës, nuk duhet të ndihemi të shqetësuar në lidhje me pagesat apo taksat, por duhet të emocionohemi nga kjo. Arsyeja pse nuk jemi të emocionuar nga kjo është sepse jetojmë në një shoqëri ku nëse nuk ke një punë, nuk mbijeton dot dhe ky është në thelb problemi ynë”.

Nëse gjërat bëhen siç duhen, automatizimi do të ishte emocionues, vazhdoi ajo duke thënë: “Ajo që mund të nënkuptojë është më shumë kohë për të edukuar veten, më shumë kohë për të krijuar artin, më shumë kohë duke investuar dhe hulumtuar shkencat, më shumë kohë duke u përqendruar në shpikje, hapësirë, më shumë kohë duke shijuar botën në të cilën jetojmë. Sepse jo i gjithë kreativiteti duhet të lidhet me pagat”.

Ju mund të shihni përgjigjen e saj të plotë duke filluar në minutën e 55, duke përfshirë më shumë detaje mbi mënyrat se si mund të implementohet një taksë e tillë:

“Komunizmi luksoz i automatizuar”

Ocasio-Cortez nuk është e para që ëndërron një botë ku punohet më pak. Në vitin 1930, ekonomisti John Maynard Keynes parashikoi se teknologjia dhe rritja e produktivitetit do të na lejonte të punonim vetëm 15 orë në javë duke filluar nga shekulli i 21-të. Ne do të kalonim pjesën tjetër të kohës duke shijuar kohën e lirë, komunitetin dhe edukimin.

Lexo: Bill Gates: “9 fakte interesante që na bënë të reflektonim”

Ne të gjithë e dimë se kjo nuk është mënyra se si ka funksionuar deri më tani. Kjo ka bërë që shumë njerëz të jenë skeptikë për ëndrrat e një ekonomie, ku robotët të bëjnë të gjithë punën dhe njerëzit të relaksohen (versioni frikësues i kësaj është njeriu i padobishëm, obez, i varur nga ekranet e Pixar). Në të vërtetë, e kanë quajtur vizionin e Ocasio-Cortez si “komunizëm luksoz plotësisht të automatizuar”.

Por, ndërsa historia e bën të lehtë për të “tallur” socialistët me vizionet për një shoqëri të re të lavdishme, e vërteta është se propozimi i Ocasio-Cortez nuk është thjesht një ëndërr e bukur, jo praktike. Bill Gates, të cilin askush nuk e ka akuzuar kurrë që është jopraktik apo ëndërrimtar, ka mbrojtur pikërisht të njëjtën gjë.

Në një intervistë të vitit 2017, Gates vuri në dukje se “punëtorit, i cili punon në fabrikë dhe merr rreth 50,000 dollarë, i tatohen të ardhurat, si dhe paguan taksa për sigurimet shoqërore. Nëse roboti do të bëjë të njëjtën gjë, normalisht që dhe ai do të taksohet në një nivel të ngjashëm”.

“Ajo që duhet bërë në botë është shfrytëzimi i kësaj mundësie në mënyrë që me të gjitha të mirat dhe shërbimet që kemi sot le të bëjmë një punë më të mirë dhe më humane duke arritur tek të moshuarit, duke ndihmuar fëmijët me nevoja të veçanta… të gjitha këto janë gjëra ku ndjeshmëria dhe mirëkuptimi njerëzor janë akoma shumë, shumë unikë,” vazhdoi Gates.

Lexoni: Bill Gates: “Robotët që marrin punën e njerëzve duhet të paguajnë taksa”

Komentet e Gates nxitën një debat të madh dhe jashtëzakonisht shqetësues mes ekonomistëve. Disa janë të shqetësuar rreth zbatimit. Disa sugjeruan ide të tjera, por askush nuk qeshi me mendimin e Gates.

Po ju lexues të BusinessMag si mendoni për këtë propozim të Gates dhe Ocasio-Cortez?

burimi: INC

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0