Konferenca FinTech Days Tirana 2022, aty ku teknologjia takohet me financën për një transformim digjital - Business Magazine Albania

Konferenca FinTech Days Tirana 2022, aty ku teknologjia takohet me financën për një transformim digjital

FinTech Days

EasyPay, kompania fintech e parë në Shqipëri, së bashku me partnerët e saj Dhoma Amerikane e Tregtisë dhe Risi Albania, zhvillon për herë të parë eventin FinTech Days Tirana, punimet e së cilës fillojnë me 23 Shtator 2022, ora 10.00 në Hotel Rogner. Konferenca e së premtes është një element kulmor i një eventi disa ditor, i cili synon nëpërmjet ekspertëve vendas dhe ndërkombëtarë të trajtojë të gjitha cështjet që vijnë nga transformimi digjital financiar.

Konferenca synon të ulë në të njëjtën tryezë të gjithë aktorët e fushës, komunitetin digjital financiar në vend, ofruesit e shërbimeve digjitale, bizneset, bankat, universitetet, entitetet rregullatore, nga Shqipëria dhe rajoni, për të ndarë dhe zhvilluar idetë më të mira të transformimit digjital financiar.

Eventi ka vëmendjen dhe prezencën e autoriteteve si  Z.Eduard Shalsi, Kryetar i Komisionit të Ekonomisë dhe Financës nga Kuvendi i Shqipërisë, Z. Deniz Deralla, Drejtor i Mbikqyrjes në Bankën e Shqipërisë,

Znj. Anuela Ristani, nën kryetare e Bashkisë Tiranë si dhe  Mr. Joerg Osterrieder, Profesor i financës dhe Inteligjencës Artificiale në Universitetin e Twente, Holland.

Lexo: Inflacion i lartë…Ja çfarë ju sugjeron ky drejtues i bankës

Konferenca do të trajtojë një spektër të gjerë të temave dhe do t’u përgjigjet pyetjeve si:

  • Cili do të jetë impakti i aplikimi të platformës Open Banking në sektorin financiar në Shqipëri?
  • Si po e ndryshon teknologjia sistemin e pagesave dhe cilat janë risitë në Shqipëri?
  • A ka ardhur koha të kalojmë procesin e regjistrimit të klientëve në mënyrë digjitale?
  • Si mund të motivohet dhe të përgatitet me aftësitë e duhura gjenerata e re për tu bashkuar në sektorin FinTec?

Konferenca do të vijojë me pas punimet me katër sesione informative, ku panelistët, të cilët përfaqësojnë kompani të njohura nga sektorë të ndryshëm, do të bisedojnë për temat më të nxehta të sektorit fintech në Shqipëri.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0