Kjo është historia interesante se si Amazon për pak e bleu Netflix-in

Kjo është historia interesante se si Amazon për pak e bleu Netflix-in


Është e çuditshme ta mendosh, por dominimi i Amazon në e-commerce dhe media dixhitale tani mund të ishte edhe më i fortë nëse gjërat do të kishin shkuar më ndryshe. Kjo vjen sipas një libri të ri që zbulon se si Netflix e konsideroi shitjen tek Amazon në vitin 1998 – për vetëm 15 milion dollarë.

Në një fragment nga libri Kjo kurrë nuk do të funksionojë: Lindja e Netflix dhe Jeta e Mahnitshme e një Ideje, bashkëthemeluesi i Netflix, Marc Randolph kujtoi se si ai dhe bashkëthemeluesi Reed Hastings u ftuan në një takim në Seattle me themeluesin e Amazon Jeff Bezos.

Lexoni: Amazon do të falimentojë, e thotë vetë Jeff Bezos

Bezos shprehu interes për të blerë Netflix për, siç vlerësoi Randolph, ” 14 ose 16 milion dollarë”.

Netflix arriti rreth 5 miliard dollarë të ardhura në tremujorin e fundit. Mund të duket si histori e lashtë (dhe ndoshta konfuze për gjeneratën e re), por ia vlen të kujtojmë se Netflix në fillim ishte lançuar si një dyqan online DVD dhe shërbim me qira.

Lexoni: Netflix pëson rënie në SHBA

Netflix u themelua në vitin 1997, kështu që biznesi ishte shumë i ri (dhe jo profitabil) kur drejtuesit u takuan me Amazon-ën në vitin 1998. Netflix nuk filloi të ofrojë përmbajtje transmetimi për 10 vjet të tjerë dhe nuk u fut në programim origjinal deri më 2013. Në kohën e daljes publike në 2002, Netflix kishte 600,000 anëtarë të SH.B.A-së, larg nga 151 milion abonentë që ka sot në të gjithë botën.

Interesimi për Netflix, natyrisht, ishte vetëm një pjesë e vogël e qëllimit ambicioz të Amazon-ës për të dominuar në e-commerce dhe media dixhitale.

Në librin e tij Dyqani për Gjithçka: Jeff Bezos dhe Epoka e Amazon, autori Brad Stone përshkruajti strategjinë e pamëshirshme që Bezos dhe ekipi i tij kishin ndërtuar duke u përpjekur për të dominuar botën e e-commerce, siç po e bëjnë sot.

Është e paqartë se sa afër ishte Netflix të shiste veten në Amazon. Por para se udhëtimi i tyre me aeroplan të përfundonte pas vizitës së tyre me Amazon, ekipi i Netflix-it e kishte marrë vendimin, “Ne nuk ishim të gatshëm për ta shitur kompaninë,” shkruan Randolph. “Ne u pajtuam që do ta refuzonim Amazon-ën në mënyrë të sjellshme. Në të ardhmen, do të ishte më mirë për ne që ta kishim Amazon-ën mik, jo armik. ”

Money

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0