Kina preferon mbylljen e TikTok në SHBA në vend të shitjes së detyruar

TikTok

Pekini kundërshton shitjen e detyruar të TikTok në SHBA nga pronari i saj kinez ByteDance. Kina do të preferonte që aplikacioni i videove të shkurtra të mbyllej në Shtetet e Bashkuara, sesa të blihej nga një kompani amerikane.

ByteDance ka qenë në bisedime për të shitur TikTok në SHBA tek blerësit e mundshëm duke përfshirë Microsoft dhe Oracle, që kur Presidenti i SHBA Donald Trump kërcënoi muajin e kaluar për të ndaluar shërbimin nëse nuk shitej.

Trump i ka dhënë ByteDance afat deri në 15 shtator për të përfunduar një marrëveshje. Sidoqoftë, zyrtarët kinezë besojnë se një shitje e detyruar do të bënte që ByteDance dhe Kina të dukeshin të dobët përballë presionit nga Uashingtoni.

ByteDance tha në një deklaratë për Reuters se qeveria kineze nuk i kishte sugjeruar kurrë që të mbyllte TikTok në Shtetet e Bashkuara ose në ndonjë treg tjetër. Dy nga burimet e Reuters thanë se Kina ishte e gatshme të përdorte ndryshimet që bëri në ligjin e eksporteve të teknologjisë më 28 gusht për të vonuar çdo marrëveshje të arritur nga ByteDance, nëse do të duhej.

I pyetur në lidhje me Trump dhe TikTok, zëdhënësi i ministrisë së Jashtme Kineze, Zhao Lijian tha se Shtetet e Bashkuara po abuzonin me konceptin e sigurisë kombëtare dhe i kërkoi atyre të ndalonin shtypjen e kompanive të huaja.

PËRPLASJE MIDIS FUQIVE BOTËRORE 

Reuters ka raportuar se blerësit e ardhshëm të TikTok po diskutonin katër mënyra për të strukturuar një blerje nga ByteDance. Kompania mund të shesë asetet e TikTok në SHBA pa miratimin nga ministria e Tregtisë së Kinës duke i shitur ato pa algoritme kryesore.

ByteDance dhe themeluesi i saj Zhang Yiming janë në mes të një përplasje midis dy fuqive kryesore të botës. Trump, muajin e kaluar firmosi ​​dy urdhra ekzekutivë që kërkojnë nga ByteDance të shesë TikTok në SHBA ose të përballet me dëbimin nga vendi.

Zyrtarët amerikanë kanë kritikuar sigurinë dhe privatësinë e aplikacionit, duke thënë se të dhënat e përdoruesit mund të ndahen me Pekinin. TikTok ka thënë se nuk do të pajtohet me asnjë kërkesë për të ndarë të dhënat e përdoruesit me autoritetet kineze.

Pekini ka thënë se kundërshton urdhrat ekzekutivë të Trump dhe më 28 gusht  rishikoi listën e teknologjive që do të kenë nevojë për miratimin e qeverisë kineze para se të eksportohen. Ekspertët thanë se algoritmat e TikTok përfshihen në këtë listë.

Reuters

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale