Këto 5 pyetje do t’ju ndihmojnë të gjeni produktivitetin tuaj - Business Magazine Albania

Këto 5 pyetje do t’ju ndihmojnë të gjeni produktivitetin tuaj


T’i bësh gjërat në një kohë më të shkurtër mund të shërbejë për dy qëllime: Mund të angazhoni më shumë në ditën tuaj të punës ose mund të menaxhoni më shumë kohën jo produktive. Cilido qoftë qëllimi juaj, mënyra se si rezultoni më shumë produktiv mund të jetë arma juaj e fshehtë. Të gjithë kemi një mënyrë, në të cilën punojmë më mirë, thotë Paula Rizzo, autore e “Listful Living: A List-Making Journey to a Less Stressed You”.

Për të identifikuar dhe përfituar nga produktiviteti juaj, Rizzo sugjeron t’i bëni vetes këto 5 pyetje:

Lexoni: Si ndikon muzika në produktivitetin tuaj?

  1. Kur punoj më mirë?

Ju me siguri e dini se ekzistojnë tre lloje njerëzish, njerëzit e mëngjesit dhe mbrëmjes dhe ata që janë diku në mes. Në kategorinë që bëni pjesë, do të përcaktohen llojet e detyrave që duhet të bëni në momente të caktuara të ditës, thotë Rizzo.

Për të përcaktuar kohët tuaja produktive, Rizzo sugjeron t’i kushtoni vëmendje ditës tuaj dhe të vëzhgoni veten për disa ditë. Duke realizuar detyrat tuaja në kohën e duhur do t’ju ndihmojë të jeni më produktivë. Menaxhoni kohën tuaj për të bërë punën më mirë dhe atëherë kur duhet.

“Mund të mos keni kontroll të plotë mbi këtë, por bëni sa më shumë që të keni mundësi”, thotë Rizzo.

  1. A më nevojiten afatet?

Për disa njerëz, caktimi i një afati mund t’i ndihmojë të jenë më produktivë. Vendosni orare për çdo gjë që bëni. Planifikojini punët tuaja dhe kështu do të jeni më produktiv. Të punosh me afate kërkon që të dini se sa kohë zgjasin detyrat dhe cilat kërkojnë më shumë kohë.

  1. Cili është ambienti im më produktiv?

Kushtojini vëmendje ambientit kur jeni duke bërë punën tuaj për të parë nëse kjo zgjat më shumë ose nëse lehtëson punën tuaj. Ndërsa nuk mund të jeni në gjendje të kontrolloni mjedisin tuaj, ju mund të jeni në gjendje të ndërmarrni hapa për ta bërë atë më mirë, të tilla si vendosja e kufjeve ose lëvizja në një vend tjetër brenda zyrës.

  1. A kam nevojë për nxitje të jashtme?

Disa njerëz janë mjaft të disiplinuar për të bërë punën e tyre, ndërsa të tjerët mund të kenë nevojë për një shtytje nga të tjerët. “Njih veten”, thotë Rizzo. “A do të bësh diçka pa u kontrolluar nga dikush tjetër? Nëse keni nevojë për një nxitje të jashtme, ndërtoni sisteme që ju ndihmojnë në produktivitetin tuaj”.

Nuk është turp të pranoni që keni nevojë për nxitje të jashtme, veçanërisht kur punoni me një partner, i cili ka nevojë gjithashtu për nxitje.

Lexoni: 5 gjëra që ju ulin produktivitetin

  1. Çfarë është suksesi për mua?

Përgjigjia për këtë pyetje mund të jetë: më shumë para, klientë, angazhime, shitje – vetëm ju mund t’i përcaktoni ato. Pasi ta zbuloni këtë, shikoni se çfarë po bëni në jetën tuaj.

Rizzo sugjeron të shkruani ndjenjat tuaja menjëherë, gjatë dhe pas një detyre, të mbani shënime. “Ju nuk mund ta doni gjithmonë atë që po bëni, por nëse e urreni, kujtojini vetes që të mos e bëni më përsëri,” thotë ajo. “Në momentin që mund t’i thoni ‘po’ një kërkese, por e ndjeni në zemrën tuaj se kjo ju shqetëson, është më mirë të thoni ‘jo’”.

Në fund të vitit, kontrolloni të gjithë punën tuaj dhe shikoni se çfarë ju ka bërë të ndiheni mirë dhe çfarë jo. Pastaj vendosni përparësitë. Pasi të kuptoni se çfarë ju bën më produktivë, ju mund të kujdeseni për orarin e punës sipas nevojave tuaja dhe pjesa më e mirë është që ju do të jeni më pak të stresuar.

burimi: fastcompany

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0