Këshilla prezantimi nga Aristoteli, që janë shumë të vlefshme edhe sot


Imagjinoni sikur keni një ide të shkëlqyer. Ju duket diçka e drejtë. E dini se është përgjigjia e problemit që ju jeni duke u përpjekur të zgjidhni. E gjitha që duhet të bëni tani është të bindni kolegët tuaj – ose më keq akoma – menaxherin e lartë.

Filozofi grek Aristoteli ndau mjetet e bindjes, në tri kategori-Patos, Etos dhe Logos. Të gjitha janë elemente jetike të një prezantimi të suksesshëm.

Patosi

A shkaktojnë ndjenja fjalët e tua? Kjo ka impaktin më të fortë nga këto tre kategoritë.

Trokisni në një emocion të përbashkët, ndjenjat e njerëzve, dëshirat e tyre, nevojat e tyre dhe ju do të fitoni zemrat dhe mendjet e tyre. Një lidhje emocionale mund të krijohet në shumë mënyra nga një drejtues, ndoshta më së shumti me anë të tregimeve.

Qëllimi i një historie, anekdote, analogjie apo metafore është shpesh për të lidhur një aspekt të mesazhit tuaj kryesor me një reagim emocional nga publiku.

Mendoni dhe pyesni – Pse?

  • Pse jeni duke bërë këtë propozim ose pse ndërmerrni këtë projekt tani?
  • Pse është ky ndryshim i nevojshëm?
  • Pse gjërat do të përmirësohen?
  • Pse duhet t’iu interesojë njerëzve?

Etosi

Etos është niveli juaj i besueshmërisë se si perceptohet nga audienca juaj.

A  i njihni vërtet gjërat tuaja?

Mendoni dhe pyesni – Si?

  • Si zbuluat, shpikët, krijuat apo përmirësuat çfarëdo qoftë ajo për të cilën jeni duke folur?
  • Si funksionon?
  • Si do e përdorë audienca atë?

Krahasojini dhe ballafaqojini me mënyrën se si gjërat janë bërë aktualisht.

Logosi

Jeni logjikë në argumentin tuaj? A është mesazhi juaj i bazuar në fakte, të dhëna dhe prova?

A çon thirrja juaj për veprim në rezultatin e dëshiruar që ju premtoni?

Mendoni dhe pyesni – Çfarë?

  • Për çfarë po flisni?
  • Cila është ideja juaj kryesore, produkti, shërbimi, nisma apo rekomandimi?
  • Cili është qëllimi që doni të arrini?
  • Cilat janë rreziqet dhe përfitimet e arritjes së saj?

Thjeshtoni dhe përcaktoni idenë tuaj në një mënyrë që të gjithë mund t’a kuptojnë. Edhe një fëmijë.

Studimet e fundit kanë tendencë për të treguar se njerëzit blihen nga emocioni (patosi) dhe justifikohen nga fakti (logosi), por binden me anë të besueshmërisë që ju shfaqni (etosi).

Kështu që herën tjetër që keni një ide të madhe, shkruajeni dhe ndaheni në blloqe. Përdorni parimet e pse, si dhe çfarë.

Është më bindëse kur njerëzit e kuptojnë që keni menduar vërtetë thellë në lidhje me problemin. Kështu që mos i ngutni ata. Merrni kohën tuaj, shkoni për një shëtitje.

Jini të pasionuar – “madje të fiksuar” – me marrjen e përgjigjes së duhur.

Kjo është filozofia që folësit më të mirë kanë.

 

burimi: openforideas.org

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale