Keni një ide për bizneset sociale? Ja si mund të aplikoni


Të rinjtë e kryeqytetit dhe krahinave përreth që kanë një ide biznesi social kanë mundësi të aplikojnë në Bashkinë e Tiranës, për grante për krijimin e biznesit të tyre.

Bashkia e Tiranës filloi zyrtarisht Projektin për Fondin e Programit të Nxitjes së Punësimit në Ndihmë të Krijimit të Biznesit Social Rinor të Bashkisë së Tiranës financuar nga burime publike, që do t’u japë të rinjve mundësinë për vetëpunësim.

Në fazën e parë, kandidatët aplikojnë me idenë e tyre për biznes. Për këtë ata duhet të plotësojnë formularin e aplikimit. Në fazën e dytë aplikantët e pranuar do të trajnohen për aftësi të përgjithshme të biznesit.

Ndërkohë që në fazën përfundimtare, fituesit do të firmosin një kontratë 24-mujore për të marrë financimin e grantit dhe mbështetjen këshilluese.

Prioritet do të kenë të rinjtë nga mosha 18-35 vjeç, personat me aftësi të kufizuar, ndërsa fushat ku do të aplikohet janë kryesisht: turizëm, teknologji informacioni, shërbime etj. Fondi total i projektit në vitin 2016 është 10 milionë lekë, ndaj të cilit do të shpallen 20 përfitues dhe granti për individ do të jetë 500.000 lekë.

Kusht për kandidatët fitues është ofrimi i kontributit financiar të barabartë me të paktën 20% të grantit të financuar të kërkuar. Kjo është thirrja e parë për aplikantë dhe afati i fundit është data 30 nëntor.

 

burimi: gazetaexpress

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale