Njeriu më i pasur në Kinë dëshiron të dalë në pension dhe të kthehet në rrënjët e tij të mësimdhënies.
Kreu ekzekutiv dhe themeluesi i gjigantit të tregtisë online Alibaba, Jack Ma njoftoi në Konferencën Viva Tech në Paris më 16 Maj se ai do të kthehej në mësimdhënien pas daljes në pension në Shtator të këtij viti.
Lexoni: Jack Ma, shpejt mësues i anglishtes. Ngre edhe fondacionin me emrin e tij
54-vjeçari tha se do të largohet zyrtarisht nga posti i tij më 10 Shtator të këtij viti që përkon pikërisht me 20 vjetorin e kompanisë. Ish-mësuesi i gjuhës angleze tha se ai po zgjedh ta bëjë këtë, sepse ai e dashuron mësimdhënien.
Ai shtoi se donte të shpenzonte paratë që fitonte nga Alibaba në përmirësimin dhe ndryshimin e sistemit arsimor në Kinë, në vend që t’ua dorëzonte ato investitorëve apo bankave.
Ma shtoi se ende e konsideron veten të ri dhe se do të kalojë edhe 15 vjet në sektorin e arsimit. Sipas Forbes, në shtator të vitit të kaluar, Ma njoftoi se do të jepte dorëheqjen në vitin 2019 dhe zbuloi se pozicioni i tij do të pasohet nga CEO i Alibaba, Daniel Zhang.
Në fakt, Ma ka qenë duke kërkuar për “dikë më të mirë se vetja” që kur një investitor i kërkoi atij të jepte dorëheqjen kur kompania ishte “në telashe të mëdha” më shumë se 10 vjet më parë.
“Pasi dëgjova këtë i thashë: ‘Unë nuk mund të jap dorëheqjen tani, sepse nëse jap dorëheqjen tani, kompania do të falimentojë’,” tha Ma. I kishte thënë investitorit se do të jepte dorëheqjen vetëm kur kompania të ecte mirë.
Pensioni i Ma është aktualisht një temë tronditëse në Weibo dhe një video e njoftimit të tij është parë mbi 1.98 milionë herë që kur u ngarkua të Premten, më 17 maj.
Në të njëjtën konferencë, Ma tha se nuk është krenar për faktin që themeloi kompaninë Alibaba. Ai është krenar për gabimet dhe sfidat që kompania ka kapërcyer gjatë 20 viteve të fundit.
Lexoni: Udhëzuesi i Jack Ma për zhvillim dhe sukses
Sipas një postimi në Pear Video, Ma tha: “Kur bëhesh një sipërmarrës, mos u shqetëso për konkurrentët, mos u shqetëso për gabimet, mos u shqetëso për sfidat, kalo nëpër to. Kjo është pjesa më argëtuese e biznesit tuaj. Ju nuk mund të uleni dhe të qani, e qara nuk zgjidh asnjë problem”.
Sipas Forbes, Jack Ma është njeriu më i pasur në Kinë me një vlerë neto prej 34.6 miliardë dollarësh.
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
