Ja cili është lloji i turizmit që po lind në Shqipëri - Business Magazine Albania

Ja cili është lloji i turizmit që po lind në Shqipëri


Shqipëria po bëhet një vend tërheqës edhe për turizmin shëndetësor, ku vendin kryesor e zë ai i rregullimit të dhëmbëve dhe më pak shërbimet estetike. Sipas të dhënave të INSTAT, në tre muajt e parë të këtij viti, kanë ardhur në Shqipëri 180 shtetas të huaj pikërisht për këtë qëllim, me rritje 22% në krahasim me të njëjtën periudhë të vitit të kaluar. Vetëm në mars, numri i tyre u dyfishua.

Ndërsa vitin e kaluar, në Shqipëri erdhën gjithsej për turizëm shëndetësor 663 të huaj.

Vitet e fundit, vendet e rajonit (Serbia, Kroacia, Mali i Zi, Maqedonia) përfshirë Shqipërinë, janë vënë në një garë të ethshme për këtë lloj turizmi.

Sipas studimeve, personat e gatshëm për të udhëtuar për shërbimet dentare apo trajtimet estetike kanë si kriter parësor për vendimin e tyre cilësinë e lartë të shërbimit, koston e ulët dhe pajisje me teknologji të përparuara.

Drejtuesit e klinikave më të mëdha të stomatologjisë në kryeqytet tregojnë se pacientët e tyre kanë mbetur të kënaqur me raportin cilësi-çmim dhe kanë sjellë edhe të afërmit për trajtime. Po të bëjmë një krahasim edhe me vendet e rajonit të Ballkanit, çmimet e shërbimeve në Shqipëri janë dukshëm më të ulëta.

Numri i lartë i italianëve që vijnë në Shqipëri për qëllime dentare ka “alarmuar” dhe konkurrentët italianë, të cilët përmes shoqatës së tyre, i janë drejtuar disa herë shtetit për t’i propozuar një plan mesash. “Ilfattoquotidinato.it”, në një shkrim të para pak kohëve, e quan Shqipërinë “atdheun e turizmit dentar me kosto të ulët”.

Një destinacion tjetër është dhe ai i turizmit estetik dhe ndërhyrjeve plastike. Por, ai mbetet ende i pazhvilluar dhe i pakontrolluar dhe mediat e huaja kanë dhënë shpesh alarmin për rrezikun e tij. Mediat italiane dhe spanjolle e kanë quajtur Shqipërinë si xhungla e ndërhyrjeve estetike, ku pasojat më së shumti shkaktohen nga përdorimi i tepruar i filler (substancë mbushëse për lëkurën), një pjesë e të cilave janë të ndaluara në vendet e Bashkimit Europian, si Italia apo edhe Franca. Mjekët japin alarmin se po shtohen qendra të tilla, pa kontrollin e duhur.

burimi: Monitor

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0