Ja cilat janë kriteret sesi mund të përfitoni statusin strategjik nga investimet që bëni - Business Magazine Albania

Ja cilat janë kriteret sesi mund të përfitoni statusin strategjik nga investimet që bëni


Bizneset që marrin statusin e investitorit strategjik kanë përfitime jo të vogla në raport me shtetin, duke filluar nga procedurat e thjeshtuara burokratike e deri tek siguria maksimale juridike. Por si mund të përfitohet statusi i Investitorit Strategjik?

Agjencia Shqiptare e Zhvillimit të Investimeve ka publikuar një manual të posaçëm udhëzues, në të cilin listohen të gjitha kushtet që një biznes duhet të përmbush për të përfituar statusin e investitorit strategjik. Kriteret Në të gjitha fushat e ekonomisë, kriteri përcaktues për të përfituar statusin e investitorit strategjik është shuma e investimit. Por kjo shumë varion nga njëri sektor në tjetrin.

Për bizneset që duan të investojnë në sektorin energjitik, atë të minierave, transporteve si dhe mbetjeve urbane ka dy ndarje shuma minimale e investimit duhet të jetë jo më pak se 30 milionë euro për të përfituar statusin e procedurës së asistuar dhe i barabartë ose më i madh se 50 milionë euro për statusin procedurë e veçantë”. Sipas ligjit, statusi i procedurës së veçantë ofron edhe më shumë privilegje për investitorin privat përfshirë dhe shpronësimin nga shteti të pasurive publike apo private për llogari të tij.

Turizmi dhe bujqësia: Në sektorin e turizmit, statusin e investitorit strategjik të asistuar e përfiton çdo projekt me vlerë mbi 5 milionë euro dhe që në të njëjtën kohë krijon minimalisht 80 vende pune. Për statusin e proçedurës së veçantë, shuma e investimit duhet të jetë e barabartë ose më e madhe se 50 milionë euro. Në sektorin “Bujqësi dhe peshkim” kriteret janë edhe me të lehtësuara.

Bizneset që duan të investojnë në bujqësi mund ta përfitojnë statusin strategjik duke investuar nga 3 milionë euro e sipër, por me kushtin që të krijojnë të paktën 50 vende të reja pune. Ndërsa për të përfituar statusin proçedurë e veçantë investimi duhet të jetë i barabartë ose më i madh se 50 milionë euro. Të gjitha bizneset që marrin statusin e investitorit strategjik asistohen nga një punonjës i caktuar nga Agjencia e Zhvillimit të Investimeve.

Ky asistent, përgatit dokumentet dhe kryen aplikimin administrativ me procedurë të përshpejtuar për llogari të biznesit. Po kështu, investitorët strategjik trajtohen me prioritet, përfitojnë nga programet mbështettëse si dhe nga vënia në dispozicion në e pasurive të paluajtshme shtetërore për zhvillimin dhe realizimin e projekteve investuese strategjike, sipas legjislacionit në fuqi. Në rastin e proçedurës së veçantë privilegjet janë edhe më të mëdha duke përfshirë edhe dhënien e garancisë nga Kuvendi për sigurinë e investimit.

burimi: syri.net

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0