Në internet nuk je asnjëherë i sigurtë. Kërcënime të reja shfaqen çdo ditë pavarësisht nëse cënojnë sigurinë tuaj apo tonën. E vetmja gjë që na ngelet është t’i parandalojmë.
Por është i njëjti internet që na ofron edhe zgjidhjet. Zhvilluesit kanë krijuar çdo gjë që nga shtojcat tek aplikacionet për tu ndihmuar që të monitoroni privatësinë tuaj.
Këto janë pesë alternativa që duhet t’i keni në konsideratë.
Një platformë me popullaritet në rritje, 2FA është një domosdoshmëri për çdo llogari dixhitale. Nëse jeni i ri me konceptin, aktuentikimi me dy faktor është një nivel i shtuar sigurie ku dikush nuk mund të qaset në llogari pa kodet verifikuese.
Por cilat shërbimet online ofrojnë autentikim me dy faktorë? Pikërisht për këtë shërben website-i në fjalë. Two Factor Auth ofron detaje për çdo website që mbështet ose jo autentikimin me dy faktorë.
Interneti i Gjërave vjen me premtimin e ndryshimit të jetës tonë. Por sjell me vete edhe shumë rreziqe. Të kesh një televizor apo frigorifer të lidhur gjithnjë me internetin është fantastik, por njëkohësisht i bën vulnerabël ndaj hakerave.
Në të vërtetë IoT është makthi i sigurisë kibernetike. IoT Scanner është një mjet i thjeshtë online, i cili analizon pajisjet tuaja nëse janë të hapura publikisht.
Duke kontrolluar IP adresat e pajisjeve në rrjetin tuaj të shtëpisë, aplikacioni mëson nëse janë të disponueshme në Shodan ose jo. Shodan është një databazë publike e pajisjeve të lidhura në internet.
Përgjatë viteve të fundit me shumë gjasa e keni përdorur postën tuaj elektronike Gmail për tu regjistruar në shërbime online. Madje mund të keni harruar edhe shërbimet ku jeni regjistuar.
Deseat.me skanon postën e Gmail duke gjetur çdo shërbim që ju jeni regjistruar përgjatë viteve. Do të lexojë e-mail-et tuaja por mos u shqetësoni se privatësia është e sigurtë nga mjeti që funksionon offline. Aplikacioni nuk dërgon të dhëna në serverat e tij.
Website-t vazhdimisht ju gjurmojnë. Pavarësisht çfarë faqe vizitoni, butonat e shpërndarjes së Facebook dhe Twitter ju gjurmojnë vazhdimisht.
I gjithë informacioni përdoret për të ndërtuar një profil tuajin online për tua shitur reklamuesve dhe nëse doni ta ndalni këtë “masakër,” Privacy Badger është zgjidhja e duhur.
Zhvilluar nga fondacioni Electronic Frontier, Privacy Badger ofrohet tërësisht falas. Synon të parandalojë gjurmimin e IP.
Duhet ta dini se dërgimi i informacioneve të ndjeshme përmes e-mail-it është një nismë goxha e rrezikshme. Gjëja më mirë do të ishte enkriptimi i e-mail-ve, një proces që të bën me dhimbje koke. Passlock e bën çdo gjë të lehtë.
Ky aplikacion krijon një “dryn” dhe një “çelës” për çdo informacion që dërgoni dhe bazohet në standartin PGP të enkriptimit.
burimi: Pc-World
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English