Ja çfarë i demotivon punonjësit e rinj

Ja çfarë i demotivon punonjësit e rinj


Ju keni përgjegjësi për motivimin dhe mirëqenien e punonjësve tuaj. Është e rëndësishëm të pranoni se angazhimi i vërtetë nënkupton gjëra të ndryshme për njerëz të ndryshëm. Duhet dhe të kuptoni se çfarë e motivon secilin prej individëve.

Është e rëndësishme që të dëgjoni dhe t’u përgjigjeni nevojave të punonjësve tuaj dhe të siguroni angazhim sa më të madh të tyre në kompani. Duke njohur shenjat paralajmëruese të demotivimit të punonjësve dhe duke i trajtuar ato në mënyrë të shpejtë, ju do të riktheni kënaqësinë dhe motivimin tek punonjësit tuaj.

Nëse stepeni se ndonjërit prej punonjësve tuaj mund t’i mungojë motivimi, ekzistojnë disa shkaqe:

Lexo: Si të dalloni se punoni për një shef të tmerrshëm?

Mungesa e vizionit në karrierë
Në të shumtën e rasteve, paraja është vetëm një nga faktorët për motivimin e personave. Pjesa më e madhe e njerëzve duan që të kenë objektiva të qarta në karrierën e tyre, në mënyrë që të ndiejnë se kanë mundësi për t’u rritur brenda kompanisë. Vizioni në karrierë mund të jetë një proces i dobishëm për të përcaktuar objektiva të qarta në afat të gjatë, në mënyrë që të punojnë për arritjen e rezultateve të parashikuara.

Lidership i varfër
Menaxhimi efektiv është një faktor i rëndësishëm për motivimin e personelit tuaj. Nëse mungon menaxhimi i duhur ose nëse ai po ndikon negativisht në perspektivën e skuadrës, punonjës të caktuar mund të fillojnë të ndihen të demoralizuar. Drejtuesit duhet të kenë një mbështetje fleksibël dhe qasje gjithëpërfshirëse dhe të jenë të aftë të komunikojnë në mënyrë të qartë për të nxitur besimin tek grupi i punës. Nëse disa punonjësve u mungon motivimi, ky mund të jetë rezultat i një menaxhimi jo të mirë.

Konfliktet
Konfliktet në ambientin e punës janë jashtëzakonisht të dëmshme. Debati i shëndetshëm është shpesh produktiv, por është e rëndësishme të bëni kujdes ndaj ngacmimeve apo të mos bini pre e bullizmit.

Pasiguria në punë
Mungesa e vizionit në karrierë mund të rrisë ndjesinë e pasigurisë. Të gjithë punonjësit duan të ndiejnë siguri dhe jetëgjatësi në rolin e tyre dhe punëdhënësit duhet t’i ndihmojnë, duke vendosur objektiva të qartë.

Të ndierit i nënvlerësuar
Nëse punonjësit mendojnë se puna e tyre nuk është e vlerësuar, shumë shpejt ata  nuk do të kenë më energji të përmbushin detyrat që u janë caktuar. Është e rëndësishme t’i vlerësoni punonjësit edhe moralisht.

Mbingarkesa joreale
Është e rëndësishme të mbani nën kontroll pritshmëritë dhe kërkesat që vendosen ndaj punonjësve. Nëse dikush ndihet i mbingarkuar, më së shumti me punë të pamundura, shumë shpejt do të ndihet i zhgënjyer, i stresuar dhe do të humbasë motivimin. Në të njëjtën kohë, edhe punonjësit që nuk kanë shumë ngarkesë në punën e tyre, mund ta humbin shpejt interesin.

Lexo: Nëse nuk jeni një punonjës i mirë, me siguri që nuk do të bëheni një sipërmarrës i mirë

Mungesë mundësish për t’u zhvilluar
Mundësitë e shpeshta për t’u zhvilluar ndihmojnë në rritjen e motivimit të punonjësve tuaj. Nëse një vend pune nuk u ofron mundësinë punonjësve për t’u rritur dhe për t’u zhvilluar, shumë shpejt motivimi i tyre do të pësojë rënie. Nëse ofroni trajnime dhe mundësi të shpeshta për t’u zhvilluar, kjo gjë do të nxiste motivimin e tyre.

LinkedIn

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0