Investimet e huaja në Shqipëri, ja si janë të pozicionuara shtetet dhe kompanitë

Investimet e huaja në Shqipëri, ja si janë të pozicionuara shtetet dhe kompanitë


Disa të dhëna interesante për Investimet e Huaja Direkte (IHD) në ekonominë shqiptare.

1-Në fund të vitit 2017, stoku i Investimeve të Huaja Direkte në ekonominë shqiptare arriti në 6.5 miliardë euro, çka shënon vlerën më të lartë historike.

2- Vlera e aseteve që të huajt zotërojnë në Shqipëri ka ardhur në rritje nga viti në vit, dhe nga 3.9 miliardë euro që ishte në vitin 2012 ka mbërritur në 6.5 miliardë euro në fund të vitit të kaluar.

3- Greqia është vendi me stokun më të lartë të IHD-ve, me gati 20% të totalit.

4- Shtete të tjera me peshë për sa u përket Investimeve të Huaja Direkte në Shqipëri janë Zvicra me 13.6%, Kanadaja po me 13.6% dhe Holanda me 13%.

5-Kompanitë italiane dhe ato turke (që disa vite më parë zinin një peshë më të madhe) zotërojnë respektivisht 10% dhe 8% të Investimeve të Huaja Direkte në Shqipëri, ndërsa Austria zotëron 6.4%.

7- Vendi me rritjen më të madhe është Zvicra, e cila në 3 vitet e fundit i ka rritur me mbi 10 herë investimet në Shqipëri, nga 79.4 milionë euro në vitin 2014 në 888.3 milionë euro në fund të 2017.

8- Greqia ka pasur pak a shumë një nivel konstant të stokut të Investimeve të Huaja në 3 vitet e fundit.

9-Investimet greke në vend përgjithësisht janë të shtrira në sektorin bankar, atë të telekomunikacioneve, por edhe sektorë të tjerë prodhues. Për Kanadanë, pjesa dërrmuese e investimeve përfaqësohet nga Bankers Petroleum, ndërsa në rastin e Zvicrës pesha e lartë e investimeve lidhet me gazsjellësin Transadriatik.

10- Holanda është një tjetër vend me rritje të vrullshme të Investimeve të Huaja në Shqipëri. Stoku i Investimeve holandeze në Shqipëri u rrit nga 506 milionë euro në 2014-ën në 845.7 milionë euro në fund të vitit të kaluar me rritje gati 70%.

11- Në rastin e Zvicrës, rritja e investimeve të huaja i dedikohet thuajse tërësisht gazsjellësit Transadriatik, ndërsa për Holandën ajo ka ardhur nga kompania e naftës Shell, por edhe si pasojë e faktit se një sërë kompanish koncesionare (partneritete publike dhe private) që janë në Shqipëri po vijnë nga Holanda.

Burimi: Të dhëna të Përpunuara nga Open Data.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0