Inter e Pirelli do të ndahen në fund të sezonit të ardhshëm. Klubi zikaltër e kompania italiane, sipas asaj që bën të ditur Calcio e Finanza, do të ndërpresin raportin e tyre historik në 2021, kur të përfundojë viti i fundit i kontratës. Mbyllet në këtë mënyrë një lidhje përtej 25 viteve e që, nga 1995 deri sot, ka sjellë mbi 235 milionë euro në arkat e klubit. Objektivi i Suning është ai për të firmosur një marrëveshje të re që të dyfishojë ardhjet, duke kaluar nga 12 milionë tek 25-30, shifër që pritet ta garantojë një kolos si kompania imobiliare kineze Evergrande.
Pirelli hyri zyrtarisht në historinë e Inter në 14 qershor 1995, kur Massimo Moratti e Marco Tronchetti Provera firmosën kontratën e parë të sponsorizimit. Akordi i parë kishte një vlerë prej 4 miliardë lirash duke u ngjitur për një kohëzgjatje tre vjeçare: nga sezoni ’95/’96 në atë ’97/’98, ajo në të cilin Ronaldo zbarkoi në Milano duke u bërë menjëherë simboli i skuadrës e imazhi i Pirelli, në një reklamë që u kthye legjendare.
Ardhja e Suning sjell një revolucion të vogël, atë kur marka Pirelli të zhduket nga uniformat e stërvitjes. Tani grupi i Zhang është gati për një ndërprerje definitive me të shkuarën: bashkëpunimi mes Inter e Pirelli pritet të mbetet në forma të tjera, por mbi uniformat zikaltër, nga 2021, do të shfaqet një logo ndryshe, që në ambiciet e shoqërisë duhet të sjellë të ardhura në nivelet e top klubeve europianë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
