Inflacioni drejt zeros si pasojë e rënies së çmimit të naftës


Shqipëria vijon të përballet me rritje te dobët të çmimeve. Instituti i Statistikave njoftoi se edhe në muajin mars inflacioni vjetor rezultoi vetëm 0.3 për qind, nga 0.2 për qind që ishte në shkurt.

Kjo është hera e parë në shumë vjet ku inflacioni në Shqipëri shënon për dy muaj me radhë një nivel afër zeros, një situatë të cilën shumë ekspertë e konsiderojnë si të padëshirueshme për ekonominë, pasi sinjalizon konsum të ulët.Të dhënat e detajuara të INSTAT konfirmojnë se shkaku kryesor i inflacionit të ulët mbetet rënia e çmimit të naftës. Megjithatë, ulje çmimesh ka patur edhe në grupet e tjera si veshjet apo shëndetësia.

Ndërsa dy zëra ku çmimet kanë vazhduar të rriten janë ushqimet dhe arsimi. Dy ditë më parë Banka e Shqipërisë uli normën bazë të interesit në minimumin e ri historik 1.5 për qind, për të mbështetur prodhimin dhe mos lejuar rënien e ekonomisë në deflacion.

Sipas Bankës, rënia e inflacionit i detyrohet çmimeve të ulëta të naftës, rritjes së dobët të çmimeve të ushqimeve dhe bazës së lartë krahasuese të një viti më parë.

Por përtej këtyre shkaqeve banka thotë se inflacioni i ulët reflekton edhe kërkesën e dobët për konsum, çka në disa raste i detyron bizneset të shesin edhe nën kosto.

 

/ Top-Channel

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale