Indra Nooyi, CEO e parë femër e PepsiCo, jep dorëheqjen. Ja cilat janë 10 gjërat që duhet të dini


Pasi shërbeu për 24 vjet në krye të PepsiCo dhe 12 vjet si CEO e kompanisë, Indra Nooyi ka vendosur të japë dorëheqjen. Megjithëse, dalja e saj nga kompania nuk do të jetë e menjëhershme pasi ajo do të vazhdojë detyrën si kryetare “deri në fillim të vitit 2019 për të siguruar një tranzicion të qetë dhe pa ndërprerje”.

Udhëtimi i mrekullueshëm i Nooyi nga një ëndërrimtare në një frymëzim për shumë njerëz është thjesht mahnitës. Ajo do të japë dorëheqjen si CEO më 3 Tetor dhe kompania e dytë më e madhe e ushqimeve dhe pijeve ka zgjedhur Ramon Laguarta, 54 vjeç, për ta pasuar atë. Gjatë periudhës që Nooyi shërbeu si CEO, PepsiCo pati rritje të të ardhurave me më shumë se 80% dhe pothuajse çdo vit shtonte një markë të re miliarda dollarëshe.

BusinessMag në këtë artikull ju sjell 10 gjërat që duhet të dini për biznesmenen më të fuqishme të lindur në Indi:

  1. 62-vjeçarja Nooyi mori përsipër detyrën si CEO në vitin 2006, duke u bërë shefja e parë ekzekutive femër e kompanisë PepsiCo. Ajo u bashkua si zëvendës-presidente për planifikimin strategjik në vitin 1994. Në PepsiCo, Nooyi çoi lëvizjen e kompanisë drejt opsioneve “më të mira për ju”, të tilla si patatet e skuqura Baked Lay dhe lëngjet Naked bërë nga frutat dhe perimet.
  2. Përveçse ishte një fytyrë e shquar e lidershipit të gruas anembanë botës, ajo ishte gjithashtu mishërim i suksesit për miliona të rinj indianë që aspirojnë të jenë si ajo ndërsa shikojnë udhëtimin e saj në radhët e PepsiCo duke drejtuar konglomeratin global. Ajo ishte ndër të parët persona pjesë e drejtuesve ekzekutivë e lindur në Indi që ka udhëhequr korporatat globale.
  3. Nooyi është një ish-studente e Institutit Indian të Menaxhimit (IIM), Kalkutë dhe Yale University. Në Janar të vitit 2016, Shkolla e Menaxhimit të Yale njoftoi se Nooyi bëri një dhuratë historike për t’i dhënë fund dekanizimit të shkollës dhe inaguroi Fondin e Inovacionit Fifth Decade. Me këtë dhuratë, Nooyi u bë e diplomuara më bujare e Yale School of Management.
  4. Për Wall Street është një gjë e rrallë që një grua si Nooyi me origjinë nga India udhëheq një kompani të Fortune 500. Ajo drejtoi PepsiCo gjatë një kohe të trazuar në industrinë që ka detyruar gjigandët e ushqimit, duke përfshirë Coca-Cola Co, Campbell Soup Co dhe Oreo që të përshtaten me shijet në ndryshim. Të gjitha këto kompani ndryshuan CEO-të vitin e kaluar.
  5. Në përgjithësi, aktualisht ekzistojnë 25 CEO femra, duke përfshirë Nooyi, në S & P 500, sipas Catalyst, i cili promovon femrat në vendin e punës. Brenda industrisë ushqimore, Nooyi është shefja e fundit ekzekutive femër që po jep dorëheqjen, pas CEO të Mondelez, Irene Rosenfeld vitin e kaluar dhe CEO e Campbell, Denise Morrison më parë këtë vit. Nga 339 CEO që kanë mbajtur pozicionet më të larta në një kompani S & P 500 për të paktën dy vjet, vetëm 17 ishin femra, pra rreth 5%.
  6. Nooyi tha se të drejtonte PepsiCo ka qenë “nder” për të dhe ajo është “jashtëzakonisht krenare” për të gjitha gjërat gjatë 12 viteve të fundit. Nooyi gjithashtu krijoi historinë duke qenë një ndër pak femrat e lindura nga India, për të udhëhequr një gjigant global kur mori frenat e PepsiCo.
  7. Nooyi gjithashtu shërben në bordin e Këshillit Ndërkombëtar të Kriket dhe disa organizata jofitimprurëse, përfshirë SHBA-India Business Council, the Consumer Goods Forum, Catalyst, Lincoln Center for Performing Arts, Shkolla e Ekonomisë dhe Menaxhimit të Universitetit Tsinghua, Forumin Ekonomik Botëror dhe Asia Society.
  8. Ajo u martua në vitin 1980 me Raj Nooyi, president i AmSoft Systems. Ata kanë dy vajza Preetha Nooyi, lindur në vitin 1984 dhe Tara Nooyi, lindur në vitin 1993. Preetha ka një diplomë MBA nga Yale School of Management, të njëjtën shkollë ku Nooyi studioi. Ndërsa, Tara studioi në Universitetin e New York.
  9. Operacionet ndërkombëtare të PepsiCo mbështeten më pak në pijet dhe më shumë në snacks, një gjë e cila u riformua nga Nooyi pasi konsumatorët u zhvendosën nga pijet dhe u përqëndruan në ushqimet e shëndetshme.
  10. Lidhja e saj me Hillary Clinton është tashmë një fakt i mirënjohur. Nooyi gjithashtu shprehu zhgënjimin kur Clinton humbi zgjedhjet presidenciale në vitin 2016.

burimi: timesofindia

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale