“Illyrian Pure Sport”, “Ferrari” i parë në Shqipëri

Keni dëgjuar ndonjëherë për Arrera Automobili?, shkruan Alberto Amedeo Isidoro i formulapassion.it. Në internet nuk ka një faqe web për të. Vetëm një faqe në Instagram me mijëra ndjekës dhe emri i tij është Qëndrim Thaçi. Dhe një nga ato lajmet që, në botën e makinave, nuk ndodh të lexoni çdo ditë: Shqipëria së shpejti mund të ketë edhe super veturën e saj. Thaçi, i cili ka studiuar si dizajner para se të themelojë kompaninë e tij pesë vjet më parë, duhet të ketë një dobësi për veturat e shpejta dhe stilin italian.

Për ata që nuk e njohin prodhimin më të fundit të “Ferrari”-t ose “Lamborghini”-t, ajo veturë e shkëlqyer sportive mund të duket si një xhevahir i Italisë. Dhe nuk ka dyshim se, më shumë se të tjerët, ishin veturat garuese të Luginës së Motorëve ato që frymëzuan lapsin e Thaçit, i cili tani ëndërron një të ardhme në jetën reale për “Illyrian Pure Sport”.

“Illyrian Pure Sport” do të mundësohet nga një biturbo me 850 kf 6.2 V8. Tërheqja, nëse makina del ndonjëherë në dritë, do të jetë integrale, ndërsa për kutinë e shpejtësisë shqiptar do të përqendrohet në një “Tremec” me tetë shpejtësi.

Shifrat gjithashtu ju lënë pa fjalë për sa i përket performancës. Thaçi premtoi një kulm maksimal prej 375 km/h dhe një sprint nga 0 në 100 km/h për 2,7 sekonda. Ky është një paralajmërim për “Lamborghini”-n dhe “Ferrari”-n.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale