ICTSmedia çeli dje edicionin e katërt të Albanian ICT Awards

ICTSmedia çeli dje edicionin e katërt të Albanian ICT Awards


Mbrëmja e së Enjtes shënoi startin e edicionit të katërt të një prej evenimenteve më madhore në sektorin e teknologjisë së informacionit tashmë tradicional për shqiptarët, Albanian ICT Awards.

Një mision i ICTSmedia dhe të gjithë atyre që besojnë në shpirtin e Albanian ICT Awards, organizatorët për vitin e katërt me radhë shpalosën kurajon e tyre duke premtuar më shumë shpresë dhe kontribut për sektorin e teknologjisë së informacionit në Shqipëri.

ICTSmedia-çeli-dje-edicionin-e-katërt-të-Albanian-ICT-Awards-businessmag

Evenimenti mbajtur në Qendrën për Hapje dhe Dialog – COD pranë Kryeministrisë së Republikës së Shqipërisë u shoqërua me supriza për të ftuarit nga stafi i Albanian ICT Awards ku spikati një mesazh holografik i trajnerit të kombëtares shqiptare Xhani De Biazi dhe xhirimi në teknologjinë 360 gradë të aktivitetit.

Në këtë aktivitet nderuan me pjesëmarrjen e tyre figura të shquara të jetë politike dhe akademike në vend si Ministrja e Inovacionit dhe Administratës Publike, Milena Harito, Adrian Civici, Rektor i Universitetit Europian në Tiranë, Viola Smaja Drejtore e Marrëdhënieve me Publikun pranë Raiffeisen Bank, Kosta Giakumis, zv. Rektor i Universitetit të New York-ut në Tiranë dhe Drejtorja e COD Falma Fshazi.

ICTSmedia-çeli-dje-edicionin-e-katërt-të-Albanian-ICT-Awards-businessmag

Ministrja e Inovacionit Milena Harito gjatë fjalës së rastit vuri theksin te temat e nxehta të trajtuara në Forumin Ekonomik në Davos dhe pikërisht atë të “revolucionit të katërt industrial” identifikuar me teknologjinë e informacionit.

Z. Ardian Civici gjatë përshëndetjes së tij shtroi një pyetje të Adam Smith, “Si mund të zhvillohen kombet?” Dhe përgjigja e tij ishte tek inovacioni, pikërisht ky inovacion mbi të të cilin qëndrojnë themelet e Albanian ICT Awards.

Kushtrim Shala, bashkëthemelues dhe organizator i Albanian ICT Awards gjatë aktivitetit zbuloi edhe emrat e jurisë së këtij viti e përbërë nga: Altin Petre, Visar Jasiqi, Erton Graceni, Gjergji Spaho, Anni Dasho, Elvis Bregu, Sokol Vladi, Endri Mataj, dhe Redi Neziri.

ICTSmedia-çeli-dje-edicionin-e-katërt-të-Albanian-ICT-Awards-businessmag

Ky edicion do të vijojë të ftojë aplikantët në po ato pesë kategoritë e një viti më parë: ICT Inovacioni i Vitit, ICT Mobiliteti i Vitit, ICT Diploma e Vitit, ICT Ylli në ngritje i Vitit dhe ICT Shërbimi Publik më i mirë i Vitit, ndërsa dy kategoritë shtesë Akademiku i Vitit në ICT dhe Femra e Vitit në ICT do të votohen nga anëtarët e Jurisë.

Një falenderim nga organizatorët ishte dedikuar për sponsorët tradicionalë ndër vite që i kanë qëndruar gjithnjë pranë misionit të ICTSmedia si Fondacioni Dritan Hoxha, Banka Raifeissen dhe Albsoft. Ky aktivitet i praprin dhjetërave takimeve të cilat do të organizohen në kuadër të konkursit për të dërguar mesazhin e Albanian ICT Awards në çdo komunitet ICT që u përket shqiptarëve. Entuziazmi dhe suksesi i ushqyer nga partneriteti në rritje do të kulmojë në Mbrëmjen tradionale Gala.

Ofrimi i mundësive, zhvillimi i sektorit ICT, informimi i opinionit publik dhe promovimi i inovacionit shqiptar në mbarë trevat do të jenë edhe një herë tjetër kryefjala e shumë takimeve dhe workshopeve në vijim.

 

/PC World Albanian/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0