Startup Grind Tirana mirëpret Genci Likoskëndaj

Startup Grind Tirana mirëpret në takimin e rradhës Genci Likoskëndaj


Startup Grind Tirana do të mirëpresë më 3 dhjetor, në orën 17:30, Genci Likoskëndaj, një sipërmarrës i suksesshëm me mbi 20 vite eksperiencë në sektorin e Teknologjisë së Informacionit në Shqipëri. Në dy takimet e fundit të Startup Grind ishin të ftuar Avni Ponari, CEO dhe themelues i Sigal Uniqa Group Austria dhe Renis Tërshana, themelues i R&T Group me histori suksesi në Shqipëri.

Genci lindi në Fier më 1969. Ai u diplomua në degën e Informatikës më 1992-in nga Universiteti i Tiranës. Më 1993 ai themeloi CCS Computer & Copier Systems, një nga kompanitë e para të harduereve kompjuterikë në Shqipëri. Në 2007-ën ai themeloi Tetra Solutions, një kompani e fokusuar tërësisht në Softuere dhe Zgjidhjet për Sistemet Informatike. Të dyja kompanitë, me një staf prej 66 punonjësish dhe me xhiro vjetore me mbi 5 milionë euro, po luajnë një rol shumë të respektuar në tregun shqiptar përsa i përket integrimit të sistemeve të IT-së. Genci zotëron gjithashtu një MBA dhe një PhD në Shkencat Kompjuterike.

Endri Mataj, një adhurues i teknologjisë së informacionit, me diplomë MS në fshën e Telekomunikacionit në Universitetin e Syracuse në Nju Jork, është moderatori i eventit të përmuajshëm i cili padyshim do të udhëheqë edhe takimin e rradhës me Likoskëndaj. Eventi i sponssorizuar nga Google for Entrepreneurs do të mbahet në Qendrën Protik, Godina e Inovacionit. Në lidhje me pjesëmarrjen mund të rezervoni këtu.

Startup Grind është një komunitet global i startupeve i krijuar me qëllimin për të edukuar, frymëzuar dhe ndërlidhur sipërmarrësit nga e gjithë bota me njëri-tjetrin. Evenimenti organizohet në më shumë se 175 qytete dhe 70 vende në të gjithë botën ku marrin pjesë themeluesë lokalë, inovatorë, edukatorë, investitorë të suksesshëm të cilët ndajnë historitë e nisjes së biznesit dhe mësimet e mësuara në rrugën e ndërtimit të kompanive të suksesshëm. Intervistat mujore në Startup Grind me një të ftuar të fushës së biznesit dhe investimeve japin një mundësi të shkëlqyer për networking dhe vendosjen e lidhjeve afatgjata dhe të besueshme midis aktorëve pjesëmarrës në event. Duke parë impaktin pozitiv në dhënien e shembujve konkretë për të rinjtë që kanë ide dhe duan të katapultohen në botën e biznesit, BusinessMag ju fton të merrni pjesë dhe të shpalosni idetë tuaja, sugjerimet, inovacionin dhe të jeni pjesë aktive e komunitetit më të madh në vend të startupeve. Për më shumë informacioneju ftojmë të vizitoni adresën StartupGrind.com.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Nuk ka asnjëherë trafik në shtigjet e të jashtëzakonshmes.”
— Roger Staubach
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0