Huawei ka anonçuar se do të jetë një prej prodhuesve të parë për smartphone që do të mbështesë platformën e realitetit virtual (Virtual Reality) të Google Daydream.
Sipas kompanisë, nga fundi i vitit do të bëhen lajmërime rreth këtyre telefonave, pajsijeve të setit të tyre dhe kontrolluesve.
“Huawei po kërkon bashkëpunimin me Google dhe liderat e tjerë globalë të industrisë për ndërtimin e një ekosistemi dhe sjelljen e eksperiencave tё pasura dhe sfiduese qё Daydream ofron pёr përdoruesit nëpërmjet inovacioneve transformuese në pajisjet, aplikacionet dhe përmbajtjen e VR-së,” ka qënë deklarata e kompanisë në një dalje për mediat.
Por deklarata e saj mbetet paksa e paqartë, megjithatë. Nuk e dimë nëse ajo e kishte fjalën rreth kohës se kur do të kemi lajme të reja për këto pajisje, apo se kёto tё fundit do t’i kemi në duar nga fundi i këtij viti.
Daydream e Google është një platformë për Android N e realitetit virtual. Të mërkurën Google tha se do të përfshinte mbështetjen për aplikacione të ndryshme të Google, gjithashtu se do të ofronte akses në VR nga gjigandët HBO, CNN, Hulu dhe Netflix.
Gjatë fjalimit të mbajtur të mërkurën, ndryshe nga ajo çfarë më parë kishte deklaruar kompania, nuk bëri një prezantim të setit të pajisjes VR. Ajo që dimë është vetëm një dizajn, mbi të cilin prodhuesit si Huawei mund të bazohen si pikë referimi për pajisjet aktuale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
