Gulf, sjell skemën piramidale të karburantit edhe në tregtinë me pakicë

Gulf, sjell skemën piramidale të karburantit edhe në tregtinë me pakicë


Sula është drejtues i një furgoni. Transporti është puna e tij dhe thotë se në xhep i kanë mbetur tollonat e Gulf me vlerë 20 mijë lekë. Kjo është gropa që i krijoi kompania e tregtimit të naftës Gulf, një prej mijëra klientëve.

Prej pak ditësh kompania ka ndërprerë furnizimin me naftë të klientëve, të cilëve paraprakisht u ka shitur naftë me vlerë më të ulët se tregu, duke u marrë paratë për një naftë që do të merrnin më vonë.

Klientët nuk kanë asnjë përgjigje, ndërsa tatimet kanë lëshuar udhër sekuestro së fundi. Dy kompanitë që menaxhojnë këtë biznes në segmentin e shumicës dhe pakicës Sun Petroleum Albania dhe Sun Petroleum Albania Trading janë offshore. Kjo e bën të pamundur identifikimin e aksionerëve përgjegjës.

Në bazë të kërkesës së tatimeve e në QKB për të mos lejuar tjetërsimin e pasurisë dhë të drejtat pasurore që i përkasin këtij tatimpaguesi deri në shlyerjen e plotë të detyrimeve tatimore, rezulton se kompania ka një detyrim tek Tatimet prej gati 41 milionë lekësh. Mbi 65% e kësaj vlerë është krijuar nga mospagesa e TVSH-së.

Kompania rezulton të mos ketë paguar as sigurimet e punonjëve me vlerë 6.5 milionë lekë.

Prodhimi dhe tregtia e naftës duket një mallkim për vendin. Në nivel përpunimi prej vitesh ARMO vijon të shfaqë e rishfaqë kriza menaxhimi, me gropa të mëdha financiare në buxhetin e shtetit. Me Gulf, skema e abuzimit shtrihet edhe në tregtinë me pakicë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0