Një raport i studiuesve të Google, i botuar në faqen e internetit të NASA-s, pretendon se procesori i tyre ishte në gjendje të kryente llogaritje prej tre minuta e 20 sekonda, për të cilat kompjuterit klasik Summit do t’i nevojiteshin rreth 10,000 vjet.
Studiuesit thanë se kjo nënkupton “epërsi kuantike”, kur kompjuterët kuantikë kryejnë llogaritjet që më parë ishin të pamundura.
“Ky përshpejtim dramatik mbi të gjitha algoritmet klasike të njohura mundëson realizimin eksperimental të epërsisë kuantike”, thuhet në deklaratë.
Lexoni: Ja si duket zyra kryesore e Google
Ndërsa prototipet e të ashtuquajturve kompjuter kuantikë ekzistojnë, ata mund të kryejnë të njëjtat detyra që kompjuterët klasikë munden, thjesht më shpejt.
Një raport i vitit 2018 nga Boston Consulting Group thotë se ata mund të “shkaktojnë ndryshime të mëdha në fushat e kriptografisë dhe kimisë (materialet në shkencë, bujqësi dhe farmaci), veçanërisht ato që lidhen me inteligjencën artificiale dhe machine learning”.
“Është një moment historik. Hera e parë që dikush ka treguar që kompjuterët kuantikë mund t’i tejkalojnë kompjuterët klasikë në të gjitha aspektet”, tha Steve Brierley, themeluesi i startup-it kuantik “Riverlane dhe këshilltar i teknologjisë kuantike në Qeverinë e Britanisë së Madhe.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
