Gjashtë mënyra si të jeni një punonjës i mirë

Gjashtë mënyra si të jeni një punonjës i mirë


Ka shumë këshilla se si të jemi një drejtues më i mirë. Por, shpesh harrojmë se është po aq e rëndësishme që punonjësit të përqëndrohen edhe në rritje. Të jesh një punonjës i shkëlqyer do të thotë të jesh lojtar i ekipit. Drejtuesit janë gjithashtu pjesë e ekipit, kështu që këto këshilla janë të zbatueshme pavarësisht nga titulli ose pozicioni juaj.

Qëndro i fokusuar
Kudo ka shpërqëndrime. Filloni duke përcaktuar se cilat shpërqëndrime janë dëmtuesit më të mëdhenj të fokusit tuaj. Pasi ta keni bërë këtë për disa ditë, filloni të kuptoni saktësisht se cili ishte ndikuesi. Ju do të filloni të ndiqni një model tjetër dhe pasi të jeni të vetëdijshëm për të, ju do të jeni në gjendje të ndryshoni zakonet tuaja.

Lexo: 3 Aftësitë që duhet të ketë një punonjës i mirë sipas Jeff Bezos

Mësoni si të jepni përparësi
Ashtu si shpërqëndrimet, vetë ngarkesa juaj e punës mund të jetë shkak për të humbur fokusin. Shpesh kemi një mal me punë që duhet të bëhet, madje shumë të rëndësishme. Kategorizoni projektet sipas afatit dhe renditini ato. Ju mund t’i rendisni sipas vështirësisë, kohës që ju duhet për ta realizuar ose basuar në një kriter tjetër që ju ndihmon të merrni gjërat nën kontroll. Ndërsa mund të jetë një detyrë e vështirë në fillim, nëse e bëni atë një zakon të përditshëm ose të përjavshëm, thjesht do të bëhet rutinë. Do të mësoni të përqëndroheni në ato që janë më të rëndësishmet dhe më pas në gjërat që janë dytësore.

Ji respektues
Respekti në vendin e punës është parësor. Ju duhet të respektoni veten, si dhe të respektoni të tjerët. Nëse nuk e respektoni veten, do ta ktheni atë mungesë respekti ndaj të tjerëve. Mënyra më e mirë për të praktikuar respektin është duke qenë tolerant ndaj të tjerëve. Konflikti mund të fillojë nga një gjykim i vetëm i parakohshëm dhe shkakton tension të panevojshëm për një ekip. Respektoni njerëzit që kanë mendime të ndryshme. Flisni me ta në bazë të argumentave dhe mos shkaktoni debate.

Mësoni më shumë
Mënyra më e mirë për të qenë një punonjës i shkëlqyer është të interesoheni për zhvillimin tuaj personal. Kur nisni një punë keni uri të mësoni sa më shumë që të jetë e mundur. Ndërsa qëndroni në një pozicion për një kohë të gjatë, ambientoheni me konsistencën e përditshme dhe nxitja e dëshirë për të mësuar zbehen. Jo vetëm që mësimet do t’ju ndihmojë të përparoni në karrierën tuaj, por do t’i bëjnë ditët tuaja më interesante. Mësimi do t’ju ndihmojë të qëndroni të përditësuar në trendet gjithnjë e në ndryshim të vendit të punës dhe përparimet në teknologji.

Minimizoni kohën që kaloni para ekranit
Në punë, metoda kryesore e komunikimit ka tendencë të jetë virtuale, qoftë përmes emailit ose një aplikacioni të caktuar. Kur ishte hera e fundit që shkuat te një bashkëpuntor për t’u bërë atyre një pyetje? Zakonisht është më e lehtë t’i dërgosh me email, në mënyrë që të vazhdosh me shumë detyra ose të mos prishësh rrjedhën e punës. Kemi shumë përfitime nga të folurit me dikë ballë për ballë. Mund të zvogëlojë sasinë e kohës që kalojmë në marrjen e vendimeve dhe inkurajon bashkëpunimin. Gjithashtu, biseda me dikë mund të zvogëlojë stresin duke ju dhënë një pushim të shkurtër nga përqëndrimi i tepërt në punën tuaj.

Lexo: Nëse nuk jeni një punonjës i mirë, me siguri që nuk do të bëheni një sipërmarrës i mirë

Bëhu i përkushtuar
Jini të përkushtuar që të zhyteni tërësisht në punën tuaj. Do të ndiheni më të lidhur me punën dhe do të jeni më produktiv dhe të suksesshëm. Është sfiduese të qëndrosh 100% i përkushtuar, por nga ana tjetër ia vlen  të bëni një përpjekje të tillë. Të gjitha këshillat e mësipërme të kombinuara me angazhimin do t’ju bëjnë punonjësin më të mirë që mund të jeni. Pavarësisht nëse doni të qëndroni si udhëheqës, të merrni më shumë përgjegjësi ose të ngjiteni në shkallët e karrierës, gjithçka ka të bëjë me të qenit punonjësi më i mirë që mund të jeni.

Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0