“Kur dikush përpiqet të kërcënojë diçka kaq ekzistenciale, ata futen në ring dhe luftojnë,” tha Zuckerberg gjatë një takimi në korrik me punonjësit. Një transkript i ngjarjes u publikua të martën nga “The Verge”.
Zuckerberg iu përgjigj një pyetjeje në lidhje me kandidaten amerikane për presidente dhe senatoren e Massachusetts, Elizabeth Warren, e cila vazhdimisht kërkon shkatërrimin e kompanive të mëdha të teknologjisë si Facebook.
Lexoni: Mark Zuckerberg nuk pranon të shesë Instagram-in dhe Whatsapp-in
“Nëse ajo zgjidhet presidente, ju mund të vini bast që ne do ta sfidojmë ligjërisht projektin e saj,” tha Zuckerberg. “Dhe unë gjithashtu do të vë bast se ne do ta fitonim këtë garë.”
Deri më tani, Facebook ka hezituar për të ndërmarrë një procedurë. Një “gjyq i madh” kundër qeverisë amerikane do të dukej ‘keq’ për gjigantin e mediave sociale, tha Zuckerberg.
Warren: “Do të ishte vërtet keq nëse nuk do të rregullonim një sistem të korruptuar.”
Warren komentoi deklaratën e Zuckerberg-ut në një tweet.
“Do të ishte me të vërtetë ‘keq’ nëse nuk do të rregullonim një sistem të korruptuar, ku kompani të mëdha si Facebook po praktikojnë në mënyrë të paligjshme, duke shkelur të drejtat e privatësisë së përdoruesve të tyre,” shkroi Warren në Twitter.
Nëse Warren zgjidhet presidente, Facebook së shpejti mund të ndahet nga filialet e tij Instagram dhe Whatsapp. “Ndarja e këtyre kompanive do të promovojë konkurrencë të shëndetshme në treg – duke bërë presion ndaj kompanive të mëdha të teknologjisë që të jenë më të përgjegjshme ndaj shqetësimeve rreth privatësisë të përdoruesve,” shkroi Warren në faqen e saj të internetit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
