John, i cili drejton blogun e financave personale ESI Money dhe nuk e ndan mbiemrin e tij online, ka kaluar vitet e fundit duke intervistuar milionerët. John ka qenë ekzekutiv biznesi për 28 vjet para se të dilte në pension në moshën 52 vjeçare me një vlerë neto prej 3 milionë dollarësh.
Lexoni: 5 gjëra që vlejnë më shumë se paratë
John thotë se ekzistojnë tre elementë për t’u pasuruar: fitimi, kursimi dhe investimi. Tani që ka intervistuar rreth 150 milionerë, ai e ka kuptuar saktësisht se çfarë duhet të bëjë që të jetë i suksesshëm në çdo hap.
- Rrisni potencialin tuaj të fitimit
Duke parë mbrapa, shumica e milionerëve kuptuan se fitimi ishte më i rëndësishëm nga sa mendonin fillimisht.
“Duhet kohë dhe përpjekje për të fituar vlera të mëdha, kështu që sa më shpejt të filloni, aq më shpejt do të korrni përfitimet,” shkroi John.
Shumë prej milionerëve “filluan punë me pagë shumë minimale” dhe punuan shumë për të zhvilluar aftësitë e nevojshme për të rritur pagën e tyre. Ata gjithashtu diversifikuan të ardhurat e tyre, më së shpeshti me dividentët e investimeve dhe pasuritë e patundshme që sjellin të ardhura.
- Kontrolloni shpenzimet tuaja
Një nga modelet më befasuese për John ishte se shumica e milionerëve nuk jetojnë me një buxhet.
Por kjo nuk do të thotë që ata kurrë nuk e bënë këtë.
“Zhvillimi i një vetëkontrolli të shpenzimeve është thelbësor për t’u pasuruar dhe buxheti është mjeti më i mirë për ta bërë këtë”, shkroi John. “Edhe nëse është vetëm për vitet e para të udhëtimit tuaj financiar, zhvilloni dhe jetoni me një buxhet të paktën derisa ta dini se mund të menaxhoni impulset tuaja të shpenzimeve.”
Lexoni: 5 rregulla për sipërmarrësit që duan të pasurohen
Pavarësisht se nuk përcaktuan shpenzimet e tyre për muajin ose vitin, shumë prej milionerëve ende ndjekin ku shkojnë paratë e tyre, tha John. Çështja është të kurseni dhe investoni sa më shumë që të jetë e mundur dhe ju e arrini atë duke mbajtur të ulëta shpenzimet tuaja.
Pasi të jeni duke shpenzuar më pak sesa fitoni, duke kursyer automatikisht dhe duke investuar me kujdes, zhvillohet një mekanizëm vetë-kontrolli dhe nuk është më e nevojshme të buxhetoni çdo qindarkë.
- Investoni tani
Matematika vërteton se koha është në anën tuaj për të investuar.
Ai zbuloi se, milionerët favorizojnë me shumicë investimet e thjeshta, si fondet e indeksit. Ata bënë gabime, por e kuptuan shpejt se ky është vetëm fillimi.
Fondet e indeksit janë një lloj investimi pasiv që ekspozon investitorët në një përzgjedhje të stoqeve në mënyrë që të diversifikojnë dhe të minimizojnë rrezikun. Ato janë me kosto të ulët dhe i tejkalojnë rregullisht fondet e menaxhuara në mënyrë aktive. Një nga mënyrat më të lehta për të investuar në fondet e indeksit është përmes llogarive tuaja të daljes në pension.
Lexoni: Ja pse këshilla e zakonshme për të kursyer para është e gabuar
“Me kalimin e kohës ju mund ta bëni këtë ose të shikoni për t’u zgjeruar në pasuri të paluajtshme në varësi të qëllimeve dhe interesave tuaja,” shkroi John. “Pas kësaj, mbetet thjesht çështje kohe. Jepini sa kohë duhet dhe një ditë do të zgjoheni të pasur.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
