5 gjëra që vlejnë më shumë se paratë

5 gjëra që vlejnë më shumë se paratë


Si sipërmarrës, ju shpenzoni shumë kohë dhe energji në sipërmarrjen tuaj, për të krijuar para. Sigurimi i parave është jetësor për ju dhe anëtarët e skuadrës, të cilët varen nga ju për jetesën.

Por, disa gjëra janë më të rëndësishme se paratë dhe t’i injorosh ato mund të bëjë që paratë të jenë të pavlera. Ja 5 gjërat më të rëndësishme që duhet të marrin përparësi më shumë se paratë.

Besimi

Nuk po flasim për besimin fetar, edhe pse mund të jetë pjesë e tij. Po flasim për besimin që keni tek vetja, ëndrrat tuaja dhe biznesi juaj. Pa këtë besim, nuk ka rëndësi sa i mirë është produkti apo shërbimi juaj. Kemi parë dyshime të shkatërrojnë biznese që mund të ndryshonin botën. Dhe kjo ndodh, kur ndien se gjithçka që beson nuk të përket, është e vështirë të mbash besimin. Por, në momentin që humbet besimin në biznesin tënd dhe mendon se ëndrra jote është pak më e madhe seç duhet, ose beson se dikush tjetër mund t’i bëjë gjerat më mirë, keni mbaruar. Ju mund gjithashtu të hiqni dorë dhe të punoni për dikë tjetë.

Lexo: Këshilla: Si të mbani të sigurta paratë tuaja në internet

Preferoni t’i bëni gjërat në mënyrën tuaj? Duhet të besoni tek vetja  dhe në çdo aspekt të biznesit tuaj. Sigurisht që mund të ndryshoni mënyrën se si i bëni gjërat, por do t’i bëni sepse besoni në atë që po bëni dhe doni ta bëni më mirë.

Shëndeti juaj

Si sipërmarrës, shpenzoni më shumë kohë duke ecur dhe menduar për sipërmarrjen krahasuar me këdo tjetër. Nëse diçka nuk shkon mirë bie mbi supet tuaja. Kjo mund të jetë e rrezikshme dhe mund t’ju çojë në mendimet se nëse nuk punoni në biznesin tuaj gjithë ditën, çdo ditë, sipërmarrja do të dështojë. Besojuni njerëzve tuaj. Lërini të bëjnë punën e tyre dhe ju bëni tuajën. Sigurohuni që biznesi është i fortë. Kërkoni rrugë të reja për ta bërë atë më të fortë. Merrni përshtypje nga skuadra juaj dhe shpalosni planin tuaj. Gjatë gjithë kohës, shikoni se çfarë hani. Hidhini vazhdimisht një sy belit tuaj. Shkoni në palestër ose vazhdoni të bëni sportin tuaj të preferuar. Një mendje e fortë dhe e mprehtë kërkon një trup të fortë dhe të mprehtë, kështu që punoni fort në këtë drejtim. Ju nuk duhet të jeni një model sporti, por thjesht vendosni disa synime dhe arrijini ato. Pastaj vendosni synime të reja. Kjo do t’ju trajnojë të bëni të njëjtën gjë me biznesin tuaj. Jini proaktivë dhe shkoni tek doktori. Sipërmarrja juaj do më të mirën nga ju. Kjo do të thotë të kujdesesh për veten, kështu mund të mendoni qartë dhe ta drejtoni skuadrën tuaj në një të ardhme plot sukses.

Familja juaj

Ju doni t’u jepni fëmijëvë një jetë më të mirë se ajo që keni përjetuar. Por, të “peshkosh” disa lekë më shumë ndërsa duhet të jeni në shtëpi, mund t’ju kushtojë familjen tuaj. Ajo çfarë familja ka nevojë, është JU. Të jesh atje për ta mund të thotë që je zgjuar aq shpejt sa gjysmën e punës e ke bërë përpara se dikush të zgjohet. Në këtë mënyrë, në orën pesë pasdite mund të jesh kthyer në shtëpi. Nëse po kaloni tërë natën në zyrë kur familja po ju pret, nuk do të thotë se jeni një punëtor i zoti. Kjo është për shkak se keni dështuar në menaxhimin e kohës, produktivitetin dhe vendosjen e kufijve. Kur përmirësoni sjelljet tuaja, siguroni më shumë para dhe keni më shumë kohë për familjen tuaj.

Përvoja juaj

Ju jetoni një herë dhe pastaj vdisni. Nuk ka rrugë tjetër. Të ulesh në një zyrë gjithë ditën, çdo ditë, nuk ka kuptim. Ju jeni bërë shefi dhe duhet ta jetoni jetën plotësisht, ndaj jetojeni. Jini spontan. Shfrytëzoni mundësitë për të udhëtuar. Takoni personazhe të famshëm që mund të vijnë në qytet. Ju mund të mahnisni disa njerëz me llogarinë tuaj bankare, por kujtimet dhe përvojat e jetës e pasurojnë jetën tuaj dhe angazhojnë njerëzit rreth jush në një mënyrë që paratë nuk mund ta bëjnë. Dhe si bonus shtesë, përvojat jetësore ju japin më shumë se thjesht një histori. Ato ju japin ide. “Trondisin” mënyrën se si e shikoni botën.  Ata mund t’ju ndimojnë në zgjidhjen e një problemi që ju mundon prej kohësh.

Lexo: Jo të gjithë dinë të menaxhojnë paratë

Trashëgimia juaj

Pasi të keni vdekur dhe ikur, trashëgimia juaj është e vetmja gjë që do t’ju lidhë me njerëzit. Ju mund të lini një grumbull parash për të dashurit tuaj, por fakti se kush ishit ju në jetë, do të ketë ndikim më të madh tek ta. Vendosni më shumë kohë dhe energji në trashëgiminë tuaj sesa në biznesi juaj. Nëse dëshironi të mbaheni mend për vlerat që keni sjellë, dhe gëzimin, duhet të bëni më shumë sesa të hidhni sytë në llogarinë tuaj bankare. Bëjini njerëzit përparësinë tuaj. Trajtojini me mirësi dhe dhembshuri. Jini zemërgjerë me njerëzit pranë vetes. Dëgjoni kur dikush duhet të flasë.

Ju nuk do të dëshironit t’i kishit bërë gjëra ndryshe. Ju nuk duhet të keni frikë se çfarë do të thonë njerëzit për ju kur të keni shkuar. Do të jeni të kënaqur nëse e dini se së pari vendosni interesin e të tjerëve, si në jetën tuaj të përditshme ashtu edhe në ndërmarrjet tuaja të biznesit. Kjo është një trashëgimi që çdokush do të dëshironte. Paraja bën më të lehtë të kujdeseni për shëndetin, trashëgiminë dhe familjen tuaj. Ajo hap derën e përvojave dhe ju ndihmon të mbani besimin tuaj gjallë. Sidoqoftë, paratë nuk mund të zëvendësojnë asnjë prej këtyre gjërave. Ndaj, mos kërkoni para për kënaqësinë tuaj. Punoni shumë për të fituar shuma të mëdha parash dhe pastaj përdorini ato për të jetuar një jetë të shkëlqyer!

Entreprenur

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0