Jo të gjithë dinë të menaxhojnë paratë


E prisni me padurim mesazhin e bankës “I nderuar klient, paga juaj u kreditua…”? Shqetësoheni se ndoshta karta me të cilën bëni blerje mund “t’ju lërë në baltë”?

I doni shumë paratë, por menaxhimi i tyre ju krijon ankth.

Disa njerëz nuk i kanë marrëdhëniet mirë me paratë. Ja disa nga arsyet pse:

1. Je një blerës impulsiv

Ke kaluar një javë të keqe? Sigurisht një palë këpucë të reja apo një buzëkuq, të cilin nuk do t’a përdorësh asnjëherë mund të të relaksojë. Por, të shpenzosh për t’u ndjerë mirë është gjithmonë një ide e keqe.
Nëse ke lindur një fëmijë dhe nuk të pëlqen më trupi yt, atëherë një bojë e re flokësh dhe një trajtim pedikyr nuk do ta zgjidhin problemin. lumturia do të zgjasë një apo dy ditë. Nëse e urren punën tënde dhe ke blerë pafund video-lojëra për t’u argëtuar gjatë pushimit, kjo nuk do t’i bëj orët e punës tënde më të bukura.

2. Je i papërgatitur apo dembel

Në çdo kafe më shoqërinë ofrohesh të paguash. Nuk preferon të hash në shtëpi, sepse ke para në xhep ndaj restorantet apo ushqimi i shpejtë është zgjidhja më e mirë. Zgjedhje të tilla janë ato që “e dobësojnë” kuletën tuaj. Nëse mund t’i përballoni, nuk ka asgjë të keqe, por nëse buxheti juaj mbaron 2 javë para rrogës së rradhës, atëherë duhet të filloni të bëni disa llogari.

3. Ke patur modele të këqija në menaxhimin e parave

Ndoshta prindërit e tu kanë qenë shumë keq me lekët dhe këtë zakon të keq e kë mësuar prej tyre. Është e vështirë të ndryshosh këtë sjellje kur je brumosur me të që në vogëli. Por, nëse do ta shohësh veten në një situatë më të mirë financiare, duhet të harrosh çfarë ke mësuar dhe t’ia nisësh nga e para. Fatmirësisht nuk është asnjëherë vonë për të mësuar aftësi menaxhuese të mira me paratë.

4. Nuk ke patur asnjë model

Ndoshta askush nuk të ka mësuar aftësitë bazike të menaxhimit të parave. Prindërit shpesh besojnë se po ju bëjnë fëmijëve një nder duke mos i ekspozuar ndaj sjelljeve të ndryshme që njerëzit kanë me lekët. E kuptueshme, por jo detyrimisht një zgjedhje e mirë. Ndonjëherë familjet duhet të shtrëngojnë rripin për t’ia dalë edhe në ditët më të vështira dhe nuk është gabim t’u shpjegoni fëmijëve pse ata nuk mund të shkojnë në kinema këtë fundjavë.

5. YOLO

Të jetosh momentin do të thotë adrenalinë, por jo e ardhme e mirë. Edhe pse paratë nuk mund t’i marrim me vete kur largohemi nga kjo botë, kursimet nevojiten edhe për t’i shërbyer vetes në moshë më të madhe (mund të mos duket shumë larg, por është e habitshme se sa shpejt fluturon koha dhe një ditë zgjohesh 40 vjeç).

/WiseBread

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale