5 rregulla për sipërmarrësit që duan të pasurohen 


Eh, kush nuk do? Thuhet se vështirësia qëndron të arrish të bësh milionin e parë dhe më pas është më e lehtë. Ndaj në këtë artikull po ndajmë disa rregulla për sipërmarrësit sesi të bësh milionin e parë:

Mos kërko për një profesion apo një karrierë në korporatë.

Kjo është këshilla më e mirë e mundshme që unë kam për këdo që do të bëhet milioner. Ka shumë njerëz që mendojnë se të jesh një doktor apo një avokat apo drejtues ekzekutiv korporate është çelësi për t’u bërë milioner. Kjo nuk është e vërtetë. Shpesh herë këto fusha “tradicionale” kanë limitet e tyre te sasia e parave që fitojnë. Nëse doni të keni potencial të palimituar atëherë duhet të merrni parasysh disa nga variantet jotradicionale.Ji mirënjohës ndaj fitimeve të vogla.

Unë isha në gjendje të ktheja një sasi të vogël parash në miliona dollarë duke marrë disa mijëra fitime si këmbim në çdo tregti të aksioneve. Kjo qasje, në vend që të përdorja forma të tjera, ishte çelësi i fitimeve të mëdha.

Testo strategji të ndryshme.

Nuk ka asnjë mënyrë “të vulosur” për t‘u bërë milioner nëpërmjet tregtisë. Duhet të testosh strategji dhe hipoteza të ndryshme, më pas të gjesh strategjinë tënde për aq kohë sa ajo do të jetë e vlefshme. Kur një strategji funksionon, ti duhet të punosh që ajo të bëhet më e madhe. Kur një strategji nuk funksionon, ti duhet të jesh i gatshëm të heqësh dorë nga kjo strategji.

Përdor format e reja të teknologjisë.

Në ditët e sotme të tregtisë online, teknologjia është mbreti. Kur fillova të merresha me tregti, interneti nuk përdorej aq shumë sa përdoret tani. Në 1999-2001, interneti ishte diçka e re, sidomos për kërkimet financiare. Unë e përdora fuqinë e internetit në atë kohë në avantazhin tim. Ka shumë teknologji, mjete, aplikacione dhe programe që mund të ndihmojnë për ta bërë tregtinë akoma dhe më të thjeshtë.

Përshtatu me mjedisin e tregut.

“Unë filova të merresha me tregti në vitet më të paqëndrueshme të ekonomisë. Unë isha naiv por qëllova të isha në vendin e duhur në kohën e duhur. Unë e bëra milionat e mi të parë duke ndjekur bursën. Çelësi ishte të njiheshe me mjedisin e tregut rreth e përqark.”-Timothy Sykes

/Entrepreneur.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale