Sipërmarrjet, si persona juridikë edhe fizikë, duhet të dorëzojnë në tatime vendimin për miratimin e rezultatit vjetor dhe destinimit të fitimit brenda datës 31 korrik. Sipas Drejtorisë së Përgjithshme të Tatimeve, këta tatimpagues duhet që brenda 6 muajve nga data e mbylljes së vitit fiskal të kenë:
Miratuar rezultatet financiare të vitit paraardhës
Të jenë shprehur në lidhje me destinimin e fitimit pas tatimit
Të kenë përcaktuar shumën e rezervave ligjore
Pjesën që do të përdoret për investime ose për shtesë kapitali
Pjesën që do të shpërndahet në formë dividenti nëse vendosin për një gjë të tillë
Për çdo muaj vonesë në paraqitjen e këtij vendimi, sipas DPT-së ligji parashikon penalitet në masën prej 10 000 lekë.
Administrata Tatimore kujton tatimpaguesit se duhet të kryejnë pagesën e Tatimit mbi Dividentin deri në 20 gusht, nëse bordi drejtues i kompanisë ka vendosur të shpërndarë fitimet mes aksionerëve pas tatimit.
Lexoni: Tatimet: bizneset që u hapën këtë vit 6 herë më shumë se ato që u mbyllën
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
